Predicación pública nishcaca alipachami can
1. Ashtaca gentecuna yalinajuj pushtucunata charij congregaciongunataca ¿imata rurachunda animashca?
1 Ashtaca gentecuna yalinajuj pushtucunata charij congregaciongunataca predicación pública nishcata rurachunmi animanajushcanchi. Predicación publicaca ¿imata can? Shuj mesapi o apashpa rinalla cajongunapi publicaciongunata churashpa villachinatami shina nin. Apashpa rinalla cajón cajpica shuj o ishcai publicadorcunami ladollapi shayajuna o tiajuna can. Cutin, mesata churashpaca ishcai publicadorcunami cana can. Publicadorcunaca cushilla, ali parlajcunami cana can. Pipash quimirijpica ishcandimanda maijanbash publicadormi, “Cai temamanda Biblia imata nijta yachapashcanguichu” nishpa parlachita ushan. Chaicamanga, yalinajuj gentecunaman villachingapaca shuj o ishcai publicadorcunapashmi mesata o apashpa rinalla cajongunata churashca pushtumanda carullagupi villachinajuita ushan.
2. Predicación pública nishcapi ¿ima ali experiencia tiashcata parlapai?
2 Shina villachijpimi ashtaca gentecuna Bibliata yachajui callarishca. Shuj ejemplota ricupashun. Universidadpi estudiajuj cuitsaguca testigo de Jehovacunamandami escribingapaj munajurca. Shinapash shuj Tandanajui Huasitallapash na tarircachu. Shuj semana jipaca publicaciongunata mesapi churashpa villachinajujtami universidadpi ricurca. Chaimandami chai cuitsaguca Bibliata yachajui callarirca. Cunanbica ñami Testigo can. Paipashmi predicación pública nishcapi villachijun.
3. Predicación publicapi villachishcamandaca ¿imatata huaquin panicunaca nin?
3 Predicación pública nishcapi villachijushca paniguca ninmi: “Huaquingunaca mushuj revistacunata apangapami quimirimun. Cutin shujcunaca Testigocuna tiajtaca yachaitallapash na yachashcachu. Shinapash predicación pública nishcahuanmi ashtaca gentecunata ayudai ushashcanchi” nishpa. Cutin shuj paniguca ninmi: “Predicación publicapi villachinaca mushuj arreglomi can. Shinapash alipachami can. Gentecunami ricungapallapash quimirimun” nishpa.
4. ¿Imamandata mesata o apashpa rinalla cajongunataca chai pushtupillata, chai punllallata, chai horascunallata churashpa ali can?
4 Mesata o apashpa rinalla cajongunataca chai pushtupillata, chai punllallata, chai horascunallata churashpami ali can. Shinami gentecunaca tucui horascuna chaipillata ricushpa quimiringa, tapuita ruranga o publicaciongunatapash apashpa ringa. Quiquinba congregacionga ¿predicación pública nishcata rurajunllu? Ña rurajujpica quiquinbash chaipi villachingapaj llujshishpa Diospa Reinomandaca ashtahuan gentecunaman villachishpa cushijupai (Luc. 9:60).