Gentecunaca tapunmi

¿Bibliapillachu Poncio Pilato tiajtaca parlan?

Bibliapica ninmi, Poncio Pilatopa culpamandapashmi Jesusca juzgai tucushpa huañuchi tucurca nishpa (Mat. 27:1, 2, 24-26). Pilatoca Roma llactapi gobernadormi carca. Shinapash na Bibliapillachu Pilatomandaca parlan. Shuj librocunapipashmi paimandaca parlan. Bibliamanda parlaj shuj diccionarioca ninmi, Roma llactapa gobernador Poncio Pilatomandami ashtaca escritorcunaca escribishca nishpa.

Judiocunapa causaita escribij Josefomi, Judea llactata mandajushpa Pilato ima pasashcata quimsa viaje escribirca. Judiocunapa causaimandallata escribij Filón shutipashmi Pilato ima pasashcata shuj viajeta escribirca. Roma llactamanda escritor Tácito shuti runapash romano gobernadorcunapa causaita escribishpami nirca, Tiberio mandajuj punllacunapica Pilatomi Jesustaca huañuchichun cacharca nishpa.

1961 huatapica punda cosascunata allashpa mascajcunaca Cesarea llactapi romanocunapa teatrota mascanajushpami latín shimipi Pilatopa shutita shuj rumi pedazopi escribishca tiajujta tarirca. Chai rumi completopica nijushcangami: “Judea llactapi prefecto Poncio Pilatoca cai Tiberieum nishcatami jatun dioscunapami can” nishpa. Chai edificio huasica Roma llactamanda emperador Tiberiota alabangapami cashcanga.

¿Panigucunaca shuj huauquipa ñaupajpi Bibliamanda yachachijushpaca umata taparinachu can?

 La Atalaya del 15 de julio de 2002 revistapica, “Preguntas de los lectores” nishca temapimi nirca, bautizarishca o na bautizarishca publicadorpa ñaupajpi shuj panigu Bibliamanda pimanbash yachachijushpaca umata taparinami can nishpa. Shinapash chai yachachishcata cutin aliguta revisashpami shuj cambiota rurana tucushcanchi.

Unaillaguta pimanbash Bibliata yachachijushpa, shuj bautizarishca publicadorhuan yachachingapaj rishpallami panigucunaca umata taparina can. ¿Imamandata umata taparina can? Congregacionbica huauquicunami yachachina can. Chaimandami, panigucuna shuj huauquipa ñaupajpi Bibliamanda yachachijushpaca, chai arreglota respetashcata ricuchingapami umata taparina can (1 Cor. 11:​5, 6, 10). Shujcunaman yachachi ushajpica, cumbashpa rij huauquitami Bibliamanda yachachichun paniguca mingaita ushan.

Cutin, na bautizarishca publicador Bibliamanda yachachingapaj cumbajpica, paniguca na umata taparinachu can. Shinapash Bibliamanda yachachingapaj rijpi panigupa cusa cumbajpica na bautizarishca cajpipash umata taparinami can. Caita yachajushca jipapash maijanbash panigucuna paicunapa concienciapi nali sintirishcamanda umata taparingapaj munashpaca taparinallami can.