BIBLIAPA VALISHCA YUYAICUNA | GÉNESIS 15-17
¿Imamandata Jehová Diosca Abrán runagutapash, Sarái huarmigutapash shutita cambiarca?
Abrán runagutaca alita ruraj runagu cashcatami Jehová Diosca ricurca. Abrán runaguman jipa punllacunapi imacunatalla ruragrijujtami Jehová Diosca villarca. Shinallata Abrán runagupa shutitapash, Sarai huarmigupa shutitapashmi cambiarca. Shinami paicunapa shutipash jipa punllacunapi ima pasanata ricuchijurca. Jehová Diosca Abrán runagutaca, Abrahán shutimanmi cambiarca. Cutin Sarai huarmigutaca, Sara shutimanmi cambiarca.
Shinami Abrahán runagupa shuti nishcashna, Abrahanga ashtacacunapa taita tucurca. Cutin Saraca jatun mandajcunapa mama tucurca.
Abrahán
“Ashtacacunapa taita”
Sara
“Jatun mandajcunapa mama”
Ñucanchicuna chairalla nacirishpaca ima shutita churarinataca na decidita ushanchichu. Shinapash Abrahán runagushna, Sara huarmigushnami ñucanchica Jehová Diospa ñaupapi ali ricurita ushapanchi. Chaipaca cashna tapuripashunchi:
Jehová Diospa ñaupapi alita ruraj cashcata ricuchingapaca ¿imatata rurana capani?
Jehová Diospa ñaupapi ali ricuringapaca ¿esforzarijunichu?