Redes socialescuna | Primera parte: ¿Ñuca huahuacunaca redes socialesta utilizanachu can?

Shuj encuesta rurajpica, 97 por ciento jovengunami redes socialescunataca ocupanchimi nirca. ¿Quiquinba churipashchu redes socialescunata ocupangapaj munan? Shina cajpica huaquin cosascunatami yaipi charina capangui.

Cai temapica caicunatami yachajushun:

• Quiquinba churica ¿mashna tiempotashi redes socialescunapi yalinga?

• Amigocunata charinamandaca ¿imatashi quiquinba churica pensanga?

• Quiquinba churica ¿imashinashi emocionalmente afectaringa?

• ¿Imata rurangapashi quiquinba churica internetman yaicunga?

• ¿Redes socialescunaca minishtirishcapachachu can?

• ¿Imatata huaquin taitamamacunaca nin?

Quiquinba churica ¿mashna tiempotashi redes socialescunapi yalinga?

Internetpa shuj paginapica ninmi: “Redes socialescunataca gentecuna chaipilla yalichun, chaipilla conectarishca cachun, pantallata ricujuchun, último notificaciongunapi pendiente cachunmi rurashca” (sitio web HelpGuide).

Lynne shuti jovenguca 20 añostami charin. Paica ninmi: “Ñucaca huaquin minutocunatallami redes socialescunapica cangapaj munani. Pero tucui imata publicashcata ricushpami tauca horascunata yalini. Telefonota ladoman saquishpa imapash sirvina cosasta ruranaca dificilmi can”.

Tapuripai: ¿Ñuca churica controlarishpa y mashna tiempotalla redes socialesta ocupachun nishcataca respetai ushangacha? ¿Mashna tiempotalla ricusha nishcataca cumpli ushangacha? nishpa.

Bibliapica ninmi: “Juizu illashnaca portarinamandaca cuidarinami capanguichi. Ashtahuangarin ali yachajushcacunashnami portarina capanguichi. Tiempotaca aligutami aprovechana capanguichi” (Efesios 5:15, 16).

Amigocunata charinamandaca ¿imatashi quiquinba churica pensanga?

Redes sociales shimita uyashpaca, amigocunahuan o rijsishca gentecunahuan comunicarinapimi pensaripanchi. Pero huaquinbica chai amigocunaca na ciertopacha ali amigocunachu can.

Patriciaca 17 añostami charin. Paica ninmi: “Huaquin jovengunaca pensanmi, si ashtaca personacuna ‘me gusta’ nishcata churashpaca aunque ñucata na rijsishpapash ñucamanda preocuparishcatami ricuchinajun nishpa. Pero chaica na ciertochu can”.

Tapuripai: ¿Ñuca churica redes socialespi rijsishca cana na importante cashcataca intindita ushanllu? ¿Gentecunahuan frente a frente parlashpa amigocunata charita ushanllu? nishpa.

Bibliapica ninmi: “Ali cumbaguca paipa cumbataca, tucui causaipimi juyajun. Llaqui punllacuna japijpipash, quiquin huauquitashnami llaqui” (Proverbios 17:17).

Quiquinba churica ¿imashinashi emocionalmente afectaringa?

Estudiocunata rurashpami huaquin gentecunaca nin, redes socialescunata yapata utilizaimandami huaquin gentecunaca sololla sintirin, ansiedadta charin o hasta depresión unguitapash charin nishpa.

Serena shuti jovenguca 19 añostami charin. Paica ninmi: “Ñucapa amigocuna ñuca illa puringapaj rishcata fotocunapi ricushpaca llaquillami sintirini”.

Tapuripai: ¿Ñucapa churica redes socialescunapi shujcuna imata publicashcata ricushpapash na yapata afectachun saquishpa, ama paipash randi imacunatapash publicajungapaj trancarita ushangacha? nishpa.

Bibliapica ninmi: “Na alabarijunachu capanguichi. Porque alabarinajushpaca, caishujman chaishujmanmi mishana yuyaicunata yachachishun y ñucanchipurapashmi envidiarinajushun” (Gálatas 5:26).

¿Imata rurangapashi quiquinba churica internetman yaicunga?

Redes socialescunamandami ashtaca gentecunaca ciberacoso, sexteo nishcacunahuan molestai tucun y pornografía nishcacunatapash ricun. Aunque quiquinba churi chaicunata na ricungapaj munashpapash, redes socialescunamandami chaicunataca ricun.

Linda jovenguca 23 añostami charin. Paica ninmi: “Redes socialescunapica mala palabracunatami escribinlla o ninlla. Huaquin musicacunapica na nina o pinganai cosascunatami ninajun. Ali cosascunata publicajpipash chai cosascunataca naliman tigrachinllami”.

Tapuripai: ¿Ñuca churica internettaca ali cosascunapalla utilizai ushangacha? Imapash mapa cosascuna ricurijpica ¿chaita nimamanda ama ricungapaj controlari ushangacha? nishpa.

Bibliapica ninmi: “Huainayana juchamanda, imapash millanai ruraicunamanda, imatapash ansia charinacunamandaca ni shuj shimitallapash na parlajunachu capanguichi. Pinganaitapash na portarijunachu capanguichi. Mapa chistecunatapash na ninajunachu capanguichi” (Efesios 5:3, 4).

¿Redes socialescunaca minishtirishcapachachu can?

Causangapaca na redes socialescunataca minishtirinllu. Ni cushilla, ni tranquilo ali causangapapash redes socialescunataca na minishtinchichu. Ashtaca jovengunaca pundacuna redes socialescunata utilizashca cashpapash, chaicunata utilizanataca saquircami. Redes socialescunata na utilizashpapash paicunaca cushillami causan.

Nathan shuti jovenga 17 añostami charin. Paica ninmi: “Redes socialescuna ñuca paniguta imashina afectactami ricurcani. Chaimandami redes socialesta ocupanataca saquircani. Chai punllamandami ñucaca cushilla causani y imagutapash rurashpa ashtahuan contento cani”.

Shinaca: Redes socialesta ocupachun nara saquishpallatami quiquinga pensarina capangui, ñuca churiguca ali amigocunata charingapaj, ama mapa cosascunata ricungapaj, ama internetpi yapa tiempota yalingapaj preparadochu can nishpa.

Bibliapica ninmi: “Ali yachajushca runaca, imata rurangapajpash aliguta yarinrami” (Proverbios 14:15).