¿Imamandata testigo de Jehovacunaca na guerraman rin?
Testigo de Jehovacunaca tauca razongunata charimandami guerramanga na ripanchi. Huaquin razongunata ricupashun:
Taita Diostami cazunchi. Bibliapica Taita Diosta sirvijcunaca ‘paicunapa espadacunataca, yapuna rejacunamanmi tigrachinga’ ninmi. Macanajunatapash ñana yachajungachu ninmi (Isaías 2:4).
Jesustami cazunchi. Jesusca apóstol Pedrotaca cashna nishpami mandarca: “Canba espadataca alichi o huacaichi. Porque espadahuan macanajujcunaca espadahuanllatami huañuchi tucunga” (Mateo 26:52). Shina nishpami Jesusca, paipa catijcunaca armacunahuan na macanajuna cashcata aliguta intindichijurca.
Jesusca paipa discipulocunaca ‘na cai mundopi gentecunashnachu’ can nircami. Chaimi Jesuspa discipulocunaca, política cosascunapica nimapi na satirin (Juan 17:16). Shinallata, militarcunapa contrapash na imapash protestacunata ruranajunllu. Si shuj persona cuartelman o ejercitoman ringapaj munajpipash na trancanajunllu.
Cristianocunaca shuj gentecunata juyanami can. Jesusca paipa discipulocunataca “cangunamanga shuj mushuj mandamientotami cuni, caishuj chaishujmi juyarina canguichi” nishpami mandarca (Juan 13:34, 35). Ciertopacha cristianocunaca, mundo enteropi ciertopacha shuj cristianocunahuanga shuj familia cuenda o shuj familia internacional cuendami can. Paicunaca nunca na shuj armata japishpa paicunapura macanajunllu (1 Juan 3:10-12).
Primero cristianocunaca na guerraman rinllu carca. Shuj libropica “Jesusta primero cati callarishcacunaca na guerracunataca apoyanllu carca, ni servicio militarmanbash na rinllu carca” ninmi. Guerracunata apoyashpa o servicio militarman rishpaca, “Jesús yachachishcashna juyaita y contracunatapash juyanami canguichi nishpa mandashcatapash na pactachinajunchimanllu” nishpami primero cristianocunaca na chai cosascunataca ruran carca nin (Encyclopedia of Religion and War). Shinallata primero cristianocunamanda parlashpaca, Gran Bretañamanda Edwars Gibbon escritorca nircami: “Paicunaca cristianocuna cashpataca nimamanda na soldadocunaca tucunllu carca” ninmi (Historia de la decadencia y la caída del Imperio romano).
Tucuicunallata ali causachunmi ayudanchi
Testigo de Jehovacunaca ñucanchi llactapi seguridadta tiachunmi munanchi. Chaimi llactapa contraca na imapash alborotocunata ruranchi. Ashtahuangarin, gobiernocunapa autoridadtaca respetanchimi. Gobiernocunata respetashpami Bibliapi cai mandamientocunata cazupanchi:
“Ñucanchita mandanajuj autoridadcunataca tucui gentecunami cazuna capanchi” (Romanos 13:1).
“Roma llactapa reyman pagana cashcataca, Roma llactapa reyman pagaichi” (Mateo 22:21).
Chaimi leycuna ima nijta cazunchi, impuestocunata paganchi y llactapa alipallata gobiernocuna imatapash mandajpica apoyanchi.