Bibliapica Diospa Gobiernomandami ashtahuanbachaca parlan. Cai Gobiernohuanmi Jehová Diosca cai alpapi paipa munaita pactachinga. Pero Diospa Gobiernoca ¿imata can? Cunanbi ña mandajushcataca ¿imashinata yachapanchi? Cunangamanga ¿imatata rurashca? Y shamuj punllacunapica ¿imatashi ruranga? Cai tapuicunataca cai leccionbi y cati ishcai lecciongunapipashmi contestapashun.

1. Diospa Gobiernoca ¿imata can? Chai Gobiernopica ¿pishi mandajun?

Diospa Gobiernotaca Jehovallatami churarca. Y chai Gobiernopi mandachunga Jesustami agllarca. Paica ñami cielomanda mandajun (Mateo 4:17; Juan 18:36). Bibliapica Jesusca “para siempre mandanga” ninmi (Lucas 1:​32, 33). Jesusca Diospa Gobiernopa rey cashcamandami tucui gentecunata mandanga.

2. Jesushuanga ¿picunata mandanajun?

Jesusca na paillachu mandajun. Paihuanga “shuj shuj idiomacunata parlajcunamanda, shuj shuj pueblocunamanda, shuj shuj llactacunamanda” gentecunami mandanga (Apocalipsis 5:​9, 10). Pero ¿mashna gentecunata Jesushuanga mandanga? Jesús cai alpapi causajushca tiempomanda cunangamanga, ashtaca millón gentecunami paipa catijcuna tucunata decidishca. Shinami cristianocuna tucushca. Pero Jesushuanga solo 144 mil gentecunallami jahua cielopi mandanga (Apocalipsis 14:​1-4, liipangui). Y resto gentecunaca cai alpapi Taita Diospa Gobierno mandajujpimi para siempre causanga (Salmo 37:29).

3. ¿Imamandata Jehovapa Gobiernoca gentecunapa gobiernocunata yali ali can?

Cai alpapi gobiernocunaca gentecunata ayudangapaj munaita charishpapash chaita pactachitaca na ushashcachu. Y tiempohuanga paicunapa jipaca shujcunami ña mandangapaj yaicun. Pero chai mushuj presidentecunaca gentecunamandaca talvez na preocuparingachu. Cutin Jehovapa Gobiernopica, Jesusca para siempremi mandanga. Paitaca na cambiangachu. Porque “Taita Diosca, ima horapash na tucuchi tucuna” Gobiernotami churashca (Daniel 2:​44). Jesusca pitapash na agllashpa tucuicunata igualmi mandanga. Paica juyaj, ali trataj, justomi can. Y gentecunamanbashmi chaitallata yachachinga (Isaías 11:​9, liipangui).

4. Ashtaca poderta charij Gobiernomi cai alpapica mandanga

Jesusca cai alpapi gobiernocunata yali podertami charin. Mateo 28:18​ta liishpa, cai tapuita contestapangui:

• ¿Imamandata Jesusca cai alpapi gobiernocunata yali ashtahuan autoridadta charin?

Cai alpapi gobiernocunaca shujlla llactata mandana autoridadtami charin. Shinallata paicuna mandana tiempoca tucurinmi. Pero Diospa Gobiernohuanga ¿lo mismochu pasanga? Daniel 7:​14​ta liishpa, cai tapuicunata contestapangui:

• Jehovapa Gobierno na tucuchi tucuna cashcamandaca ¿ima bendiciongunatata charishun?

• Jehovapa Gobierno mundo enterota mandajpica ¿imashinata beneficiarishun?

5. Gentecunapa gobiernocunaca tucuchi tucunami can

¿Imamandata Taita Diospa Gobierno gentecunapa randi mandachun minishtinchi? VIDEOTA ricushpa, cai tapuita contestapangui:

VIDEO: Taita Diospa Reinoca ¿imata can? (uchilla video) (1:​41)

• Cai alpapi gentecunapa gobiernocuna mandajushcamandaca ¿ima llaquicunallata tiashca?

Eclesiastés 8:9​ta liishpa, cai tapuita contestapangui:

• ¿Gentecunapa gobiernocunapa randi Taita Diospa Gobierno mandana cashcataca cripanguichu? ¿Imamandata shina pensapangui?

6. Jehovapa Gobiernopi mandajcunaca ñucanchitaca ali alimi intindin

Jesucristo cai alpapi causashca cashcamandami ‘ñucanchicuna pandarijlla cashcataca intindinmi’ (Hebreos 4:​15). Jehová Diosca 144 mil gentecunatami Jesushuan mandachun agllashca. Paicunaca, “shuj shuj idiomacunata parlajcunamanda, shuj shuj pueblocunamanda, shuj shuj llactacunamanda” gentecunami can (Apocalipsis 5:​9).

• Jesuspash, paihuan mandajcunapash gentecunapa causaita ali rijsishcata yachashpaca ¿imashinata sintiripangui?

7. Jehovapa Gobiernopi tiashca leycunami gentecunapa leycunata yali ali can

Cai alpapi gobiernocunaca gentecunata ayudangapaj o cuidangapaj nishpami tauca leycunata churashca. Jehová Diospa Gobiernopipashmi tauca leycuna tian. Y chai leycunataca tucuicunami cumplina canchi. 1 Corintios 6:9​manda 11​caman liishpa, cai tapuicunata contestapangui:

• Tucuilla gentecuna Diospa mandashcacunata ña pactachijpica ¿imashinashi causashun?a

• Taita Diosca paita sirvijcuna paipa mandashcacunata cazuchunmi munan. Chaita cazunaca ¿imashpata alicanman?

• Jehovapa mandashcacunata na cazuj gentecunapash cambiai ushashcataca ¿imashinata yachapanchi? (Versículo 11​ta ricupangui).

YARINGAPAJ

Diospa Gobiernoca ciertopachami tian. Chai Gobiernoca jahua cielomandami tucui gentecunata mandanga.

¿Imatata yachajupashcanchi?

• Taita Diospa Gobiernopica ¿picunallata mandanga?

• Taita Diospa Gobierno ¿imashpata gentecunapa gobiernocunata yali ashtahuan ali can?

• Jehová Diosca paipa Gobiernopi causajcuna ¿imashina causachunda munan?

CAITAPASH RICUPAI

Diospa Gobierno maipi cagrijushcamanda Jesús imata yachachishcata ricupai.

“Diospa Gobiernoca ¿ñucanchi shungu ucupichu can?” (jw.org paginapi ricupangui)

Testigo de Jehovacunaca cai alpapi gobiernocunata apoyanapa randica ¿imamandata Diospa Gobiernotalla apoyangapaj esforzarinchi?

Taita Diospa Reinotallami apoyanchi (1:43)

Jehová Dios agllashca 144 mil gentecunamanda Bibliapi ima nijta ricupai.

“¿Picunata cielomanga rin?” (jw.org paginapi ricupangui)

Carcelpi caj shuj señoraguta Taita Diospa Gobiernolla tucui llaquicunata tucuchina cashcata imapacha convencishcata ricupai.

“Tucuicunata igual tratachun Taita Dios imata ruragrijushcatami yachajurcani” (Rijcharipaichi revista, noviembre de 2011)

Taita Diospa Gobiernoca 1914​mandami jahua cielopi mandajun. Chai huatapillatami tucurimui punllacunapash callarirca. ¿Imamandata chaitaca yachapanchi? Chaita yachangapami cai leccionbica, cunan punllacunamanda Biblia imata nijushcata, 1914 huatamandapacha imacunalla cai alpapi pasashcata, shinallata gentecuna cunanbi imashina comportarinajushcatapash ricugripanchi.

1. Bibliaca ¿imacunalla pasana cashcatata villarca?

Daniel libropica, Taita Diospa Gobierno imahoramanda mandai callarina cashcatami villajurca. Chaipica ‘Canchis huatacuna’ nishca tiempo yalijpimi mandai callaringa nijurcami (Daniel 4:​16, 17). Ashtaca huatacuna jipaca, Jesusca chai tiempocunataca “na judío llactacunapa señalashca tiempo” cashcatami nirca. Shinallata chai tiempocunaca nara yalishcatapashmi yachachirca (Lucas 21:​24). Chai ‘Canchis huatacuna’ nishca tiempoca 1914​pimi tucurirca.

2. Huata 1914​mandaca ¿imashinata gentecunaca comportarishca? ¿Imacunallata cai mundopica pasashca?

Jesuspa discipulocunaca Jesustaca cashna nishpami tapurca: “¿Ima señalta ricushpashi can tigramuna tiempo chayamushcataca yachashun? Nali gentecuna tucuchi tucuna tiempo chayamushcataca ¿ima señalta ricushpata yachashun?” (Mateo 24:3). Paicunata contestashpami, Jesusca jahua cielopi pai mandai callarishca jipami cai alpapica guerracuna, yarjaicuna, terremotocunapash tianga nirca (Mateo 24:​7, liipangui). Bibliapica ‘último punllacunapi’ gentecuna nali comportarinajushcamandami, chai tiempocunaca “shinlli, na aguantai ushanalla tiempocunami” canga ninmi (2 Timoteo 3:​1-5). Shina situaciongunaca 1914​mandami ashtahuan ashtahuan mirashpa catishca.

3. Taita Diospa Gobierno mandai callarishcamandaca ¿imamandashi cai alpapica ashtahuan llaquicunaca tian?

Taita Diospa Gobiernopi Jesús mandai callarishca jipallami jahua cielopica shuj guerra tiarca. Jesusca Satanashuan, demoniocunahuanbashmi macanajurca. Chai guerrapica, Satanasca perdircami. Y imashinami Bibliapica nin, Satanasca “paipa angelcunandimi cai alpaman shitai tucurca” (Apocalipsis 12:9, 10, 12). Satanasca ñalla tucuchi tucuna cashcata yachashpami ninanda culirashca causan. Chaimi cai alpapi causajcunataca ninanda sufrichishpa llaquichijun. Chaimandami cai alpapi causaica nalipacha can. Pero Jehová Diospa Gobiernoca ñallami chai llaquicunataca tucuchishpa saquinga.

ASHTAHUAN YACHAJUPASHUNCHI

4. Bibliapa profeciacunami 1914​pi Diospa Gobierno mandai callarishcata ricuchin

VIDEO: Taita Diospa Gobiernoca 1914 huatapimi mandai callarirca (5:02)

Jehová Diosca Babilonia llactamanda rey Nabucodonosormanmi shuj muscuipi shuj profeciata ricuchirca. Chai muscui ima significajtaca profeta Danielmi villarca. Chaipica rey Nabucodonosorpa gobiernomanda, shinallata Jehová Diospa Gobiernomandapashmi parlajurca (Daniel 4:​17​ta, liipangui).a

Daniel 4:​20​manda 26​caman liishpa, cati paginapi recuadrotapash utilizashpa cai tapuicunata contestapangui:

• A) Rey Nabucodonosorca ¿imatata paipa muscuipica ricurca? (Versículo 20 y 21​ta ricupangui).

• B) Muscuipi ricushca jatun quiruhuan o jatun yurahuanga ¿imata pasana carca? (Versículo 23​ta ricupangui).

• C) ‘Canchis huatacuna’ nishca tiempo yalishca jipaca ¿imata pasana carca? (Versículo 26​ta ricupangui).

Muscuipi ricushca jatun quiru y Jehová Diospa Gobiernopash

PROFECÍA (Daniel 4:​20-​36)

Mandajushca tiempo

A) Shuj jatun jatun quiru

Mandana tucurishca tiempo

B) “Chai quirutaca” cuchushpa “Canchis huata yalingacaman chashna causachun saquichi”

Cutin mandai callarishca tiempo

C) ‘Can mandajushca llactataca, cutinmi japingui’

Pundapica Nabucodonosorpimi pactarirca:

• D) Chai quiruca ¿pitata ricuchijurca? (Versículo 22​ta ricupangui).

• E) Nabucodonosorpa mandanaca ¿imahorata tucurirca? (Daniel 4:​29​manda 33​caman liipangui).

• F) ‘Canchis huatacuna’ yalishca jipaca ¿imata Nabucodonosorhuanga pasarca? (Daniel 4:​34​manda 36​caman liipangui).

PUNDAPICA NABUCODONOSORPIMI PACTARIRCA

Mandajushca tiempo

D) Babilonia llactapica Nabucodonosormi rey can

Mandana tucurishca tiempo

E) Nabucodonosorca huata 606 a.e.c.b jipami loco tucun y 7 huatacunatami paipa mandanata saquin

Cutin mandai callarishca tiempo

F) Nabucodonosorca ali tucun y cutinmi mandai callarin

Catipica Jehová Diospa Gobiernopimi pactarirca:

• G) Muscuipi ricushca jatun quiru o jatun yuraca ¿picunatata ricuchin? (1 Crónicas 29:23​ta liipangui).

• H) Chai reycunaca ¿imahoramandata ñana mandanajun? Jesús cai alpapi cashca tiempopi paicuna na mandanajushcataca ¿imashinata yachapanchi? (Lucas 21:24​ta liipangui).

• I) Cai Gobiernoca ¿imahora, maipita cutin mandai callarirca?

CATIPICA JEHOVÁ DIOSPA GOBIERNOPIMI PACTARIRCA

Mandajushca tiempo

G) Punda tiempocunapica Israelmanda Reycunami Taita Diospa Gobiernota representan carca

Mandana tucurishca tiempo

H) Jerusalenga tucuchi tucun. Israelmanda reycunaca 2.520 huatacunatami paicunapa mandanataca saquin

Cutin mandai callarishca tiempo

I) Jesusca jahua cielopimi Taita Diospa Gobiernopi rey shina mandai callarin

5. Huata 1914​pica mundo enteropimi shuj shuj cosascuna cambiarca

VIDEOTA ricupangui.

VIDEO: Huata 1914​pimi cai mundopi nali cosascunaca ashtahuan ricuri callarirca (1:10)

Jesusca pai ña mandai callarijpi, cai mundopi imacunalla pasana cashcatami villarca. Lucas 21:​9​manda 11​caman liishpa, cai tapuita contestapangui:

• Cai profeciapi parlashcacunamandaca ¿maijangunatallata cunanbi pactarijta ricupashcangui?

Apóstol Pabloca tucurimui punllacunapi gentecuna imashina cagrijushcatami villarca. 2 Timoteo 3:​1​manda 5​caman liishpa, cai tapuita contestapangui:

• ¿Cai textopi parlashca gentecunamandaca, ima laya gentecunatallata ricupashcangui?

6. Jehová Diospa Gobierno ña mandajushcata tucui shunguhuan crishcata ricuchipai

Mateo 24:​3 y 14​ta liishpa, cai tapuicunata contestapangui:

• ¿Imata ricushpata Jehová Diospa Gobierno ña mandajushcataca yachapanchi?

• Quiquinbash ¿imashinata predicacionbi ayudai ushapangui?

Jehová Diospa Gobiernoca ñami cielopica mandajun. Y cai alpapipash ñallami mandai callaringa. Hebreos 10:24 y 25​ta liishpa, cai tapuita contestapangui:

• “Taita Diospa punlla chayamujujta yachashpaca” ¿imatata tucuicunallata rurana capanchi?

YARINGAPAJ

Bibliapi profeciacunata ricushpa y cunanbi cai mundopi imacunalla pasajushcata ricushpami Jehová Diospa Gobierno ña mandajushcata ricupanchi. Y chaita tucui shunguhuan crishcataca Diospa Gobiernomanda predicashpa, reuniongunamanbash rishpami ricuchipanchi.

¿Imatata yachajupashcanchi?

• Daniel libropi parlashca ‘Canchis huatacuna’ yalishca jipaca ¿imacunallata pasarca?

• ¿Imamandata Jehová Diospa Gobierno 1914​pi mandai callarishcataca seguro capangui?

• Diospa Gobierno ña mandajushcata tucui shunguhuan crishcataca ¿imashinata ricuchi ushapangui?

CAITAPASH RICUPAI

1914​pi cai mundo imashina cambiashcata huaquin estudiashcacuna intindichijta ricupai.

“Ashtahuanbachaca ¿ima huatapita gentecunaca alita ruranataca saquirca?” (Rijcharipaichi revista, abril de 2007)

Mateo 24:14​pi parlashca profecía shuj mishugupa causaipi imashina ayudashcata ricupai.

“Béisbol pugllaitami ninanda gushtarcani” (Villajun revista 2017, Número. 3)

Daniel capítulo 4​pi parlashca profecía Diospa Gobiernomandapash parlajushcataca ¿imashinata yachapanchi?

“Diospa Reinoca ¿ima horata mandai callarirca? (Parte 1)” (Villajun revista, 1 de diciembre de 2014)

Daniel capítulo 4​pi parlashca ‘Canchis punllacuna’ nishca tiempo 1914​pi tucurishcataca ¿imashinata yachapanchi?

“Diospa Reinoca ¿ima horata mandai callarirca? (Parte 2)” (Villajun revista, 1 de febrero de 2015)

Jehovapa Gobiernoca ñami cielopi mandajun. Y ñallami cai mundopipash ashtaca cambiocunata ruranga. Cai leccionbica, Jehová Diospa Gobierno imacunatalla pactachigrijushcatami ricupashun.

1. Cai mundopi shuj tranquilo, ali causaigu cutin tiachunga ¿imatashi Taita Diospa Gobiernoca ruranga?

Armagedón guerrapimi, Diospa Gobiernopi mandaj Rey Jesusca cai mundomanda tucui nali gentecunata, gobiernocunatapash tucuchinga (Apocalipsis 16:​14, 16). Chai tiempopaca “cunanmanda asha punlla jipaca, nali runaca illangami” nishca promesaca ñami pactarishca canga (Salmo 37:10). Jesusca Jehová Diospa Gobiernohuanmi cai alpapi casilla, tranquilo, justo causaigu tiachun ayudanga (Isaías 11:​4, liipangui).

2. Cai alpapi Taita Diospa voluntad pactarijpica ¿imashina causaitashi charishun?

Jehovapa Gobierno mandajujpica, ‘imatapash cashcatapacha rurajcunallami’ causanga. Y paicunaca para siempremi causanajunga (Salmo 37:29). Cai alpapi Jehovata juyaj, ali gentecunalla causanajujpica, tucuicunallata randimanda juyarishpa alimi causashun. Unguicunahuanbash nipipash ñana sufringachu. Tucuicunallatami para siempre causashun.

3. Nali gentecunata tucuchishca jipaca ¿imatashi Jehovapa Gobiernoca ruranga?

Cai mundopi tucui nalicunata tucuchishca jipaca, Jesusca mil huatacunatami Rey shina mandanga. Chai tiempopica Jesuspash, 144 mil mandajcunapashmi gentecunataca pecadomanda libre quedachun, shinallata perfecto cachunbash ayudanga. Chai tiempo yalishca jipaca, cai alpaca ñami shuj juyailla paraíso canga. Shinallata tucui gentecunallatami Jehová Diospa leycunata cazushpa cushilla causanajunga. Chai jipaca Jesusca chai Gobiernotaca paipa Taita Jehovamanmi tigrachinga. Chaipimi Jehová Diospa shutipash santificado quidanga (Mateo 6:​9, 10). Shinami Jehová Dios shuj ali gobernante cashcata, shinallata paita sirvijcunata cuidan cashcatapash ricuchinga. Chai jipaca Jehová Diosca Satanastapash, demoniocunatapash, Jehovapa contra tucujcunatapashmi tucuchishpa saquinga (Apocalipsis 20:​7-10). Jehovapa Gobierno arreglashca cosascunaca cutinga na dañaringachu.

ASHTAHUAN YACHAJUPASHUNCHI

4. Diospa Gobiernomi cai alpapi tiashca gobiernocunataca tucuchinga

Gentecunaca paicunapurallata llaquichirishpa causangapami mandanajushca (Eclesiastés 8:9). Jehová Diosca paipa Gobiernota utilizashpami cai alpapi tiashca tucui llaquicunata alichinga.

Daniel 2:​44 y 2 Tesalonicenses 1:6​manda 8​caman liishpa, cai tapuicunata contestapangui:

• Cai alpapi gobiernocunahuan, paicunata apoyajcunahuanbash ¿imatashi Jehová Diospash, Jesuspash ruranga?

• Jehovata, Jesustapash ali rijsinaca ¿imashinata paicunapa ruraicuna ali cashcata confiachun ayudan?

5. Jesusca shuj alipacha Reymi canga

Jesusca paipa Taitapa Gobiernopi Rey caimandami, cai alpapi gentecunamandaca ashtaca ali cosascunata ruranga. Jesús cai alpapi cashpa gentecunata ayudana munaita charishcata, gentecunata ayudachun Jehová Dios poderta cushcatapash ricungapaca, cai VIDEOTA ricupai.

VIDEO: Jesusca Taita Diospa Reino imacunatalla ruranatami ricuchirca (1:​13)

Jesús cai alpapi rurashca cosascunaca, Diospa Gobiernopi imacunatalla ruranatami ricuchirca. Cai cati promesacunamandaca ¿maijan promesata ña pactarichun munapanguiman? Cada promesapi tiajuj textocunata liipangui.

6. Jehová Diospa Gobiernopica cushilla causaitami charishun

VIDEO: Ñallapachami cushilla causagripanchi (4:​38)

Salmo 145:16​ta liishpa, cai tapuita contestapangui:

• Jehová Dios ‘tucuicunata ninanda bendicianata’ yachashpaca ¿imashinata sintiripangui?

YARINGAPAJ

Diospa Gobiernollami Jehovapa munaita pactachinga. Paraíso alpagupica Jehová Diostalla adoraj gentecunallami para siempre causanga.

¿Imatata yachajupashcanchi?

• Jehová Diospa shuti limpio o santificado cachunga ¿imatata Diospa Gobiernoca ruranga?

• Jehová Diospa Gobiernolla Bibliapi parlashca promesacunata pactachinataca ¿imamandata seguro capanchi?

• Jehová Diospa Gobiernopi pactarina promesacunamandaca ¿maijan promesata ña pactarichun munapangui?

CAITAPASH RICUPAI

Armagedón ima cashcata ricupai.

“Armagedonga ¿imata can?” (jw.org paginapi ricupangui)

‘Ninan Manllanai Llaqui Tiempopi’ imacunalla pasanata ricupai (Mateo 24:21).

Bibliapica Ninan Manllanai Llaqui Tiempo tiana nishpaca ¿imamandata parlajun? (jw.org paginapi ricupangui

Familiacunaca ¿imashinata Jehovapa Gobierno ña mandajujpi causajushcata pensarita ushan?

Paraisopi cashcata yuyai (1:​50)

“Causaimanda shuj shuj tapuicunatami charircani” nishca experienciapi shuj político paipa tapuicunapa respuestata imashina tarishcata liipai.

“Bibliami gentecunapa causaita cambiashca” (Villajun revista, 1 de enero de 2012)