¿Taita Diosca shutita charinllu?

Bibliapica caitami yachachin

Tucui gentecunami shutita charinchi, Taita Diospash shinaca ¿nachu shutita charina can? Gentecunahuan parlangapaj, llevaringapaca shutica minishtirishcami can. Shinallatami Taita Diospa shutipash ninan minishtirishca can.

Bibliapica Taita Diosca cashnami nin: “Ñucami Jehová cani. Caimi ñuca shuti can” (Isaías 42:8, TNM-S). Taita Diosca “Tucui Ushaita Charij”, “Tucuita Mandaj” y “Tucuita Ruraj” titulocunatami charin. Shina cashpapash paita sirvijcunataca paipa shutipi parlachunmi invitan (Génesis 17:1; Hechos 4:24; 1 Pedro 4:19).

Bibliapa huaquin traducciongunapica Éxodo 6:3​pimi Taita Diospa shutitaca tian. Chai textopica Taita Diosca cashnami nin: ‘Tucuita Rurai Ushaj Taita Dios cashpami Abrahammanbash, Isaacmambash, Jacobomambash ricurircani. Shina cashpapash paicunapica, Jehová Dios shutihuanga na rijsirishcanichu’ ninmi.

Jehová Diospa shutitaca españolpica tauca siglocunata utilizashcanchi. Huaquin estudiajcunaca Taita Diostaca Yavé,nishpami rijsin. Shina cajpipash Jehová shutimi ashtahuan rijsishca can. Bibliataca hebreo shimipi escribishpa callarirca, caitaca derechamanda izquierdamanmi escribin. Hebreo shimipi Taita Diospa shutica chuscu letracunapimi escribishca can: יהוה. Cai chuscu letracunaca YHWH—mi can, cai letracunataca Tetragrámaton nishpami rijsin.