LECCIÓN 4

¿Pim Jesucristo?

1. ¿Imanuypaćh licalimula Jesús?

1. Jesús cielućhu cayan; 2. Jesús iñacha Mariawan Josewan cayan; 3. Jesús yaćhayachin urucunacta — ¿Imapićha nunacunaca Jesúsman aśhuycuyta munapäcula? (MATEO 11:29; MARCOS 10:13-16).

Jesus’a yaćhala cielućhu espiritunümi manaläpis cay allpäta śhamul, manam nunacunanüchu cala (Juan 8:23). Cay punta chulinwanmi Diosninchic lulala cay allpäćhu imacuna cäcunatapis. Bibliaćhu niyanmi Diospa “japallan chulin” (Juan 1:14). Lisinchictacmi Jesusta Bibliaćhu ‘limäca nishanwan’ Taytanpa nishantam yaćhaycachila nunacunäta. Ashicuy Proverbios 8:22, 23, 30 ñatac Colosenses 1:15, 16.

2. ¿Imapämi Jesús śhamula cay allpäman?

Diosninchicmi caćhamula cay cuyay chulinta allpäman, nacinampa nunanü doncella Mariapita, Jesus’a manamá nunap chulinchu cala. Pay’a śhamula quimsa rasunta lulananchicpa: 1) śhamula Taytanpita yaćhananchicpa, 2) ejemplunwan Diospa voluntaninta lulananchicpa, masqui ima ñacaycuna captinpis, 3) ñatac sumä cawsay vidantam ula salvamänanchicpa wañuycapi. Ashicuy Mateo 20:28.

3. ¿Imapićha munanchic rescatämananchicta?

Rescatica alli ćhaniyumi, llapa nunacuna vidanta salvacunampa (Éxodo 21:29, 30). Manamá wañuycäpis, nï auquishyaycapis Diospa munaśhanchu cala. Adanta willaycula mana wañunanta munalmi. Diosninchicta casucul’a wiñay wiñaymi cawsanman cala (Génesis 2:16,17; 5:5). Adanpa juchanpimä llapa nuna wañunchic, chay juchanpïmi necesitanchic juc rescaticta. Ashicuy Romanos 5:12 ñatac 6:23.

Canan’a ¿mayanćha rescatipi pagan’a cay wañuycäpi salvamananchicpa? Ya’anchic’a manamá puydinchicchu. Juchasapa nuna calmi mana puydinchicchu pagayta jucunap juchancunapita. Wañuyninchicwan paganchic quiquinchicpa juchallanchictam. Ashicuy Salmo 49:7-9.

4. ¿Imapićha Jesús wañula?

Jesús wañuyan juc ilućhu clavasha ñatac Jesusta cawsachila ñatac gobernayan cielućhu Reynü

Manamá, ya’anchicnüchu Jesús juchayu cala. Mana juchayu perfectumä pay’a. Jesús manam juchanpichu wañula nunacunäpa juchanpimi wañuyninwan pagala. Chaywanmi Jehová licachicun alli cuyamäśhanchicta. Chaynumi Jesuspis allicta cuyamanchic ñatac Taytanta casuculmá sumä cawsaynintapis uycula. Ashicuy Juan 3:16 ñatac Romanos 5:18, 19.

Licay cay videuta: ¿Por qué murió Jesús?

5. ¿Canan, Jesús imactaćh lulayan?

Cay allpäćhu’a Jesús jampilam ishyäcunactapis, wañücunactapis cawsachilam, ñacacücunactapis yanapalam, chaynupam tantiachimanchic Diosninchic śhamü tiempućhupis cäsucu siervuncunapapis lulan’am (Mateo 15:30, 31; Juan 5:28). Jesús wañucuptin’a Taytanmi cawsachila espírituña cielućhu canampa (1 Pedro 3:18). Chaypimi Jesús taytanpa ladunćhu alcäla nombramientunta ćhasquinampa, gobernantinú cay allpäćhu canampa (Hebreos 10:12, 13). Chaypimi canan’a Jesús gubiernayanñam cielućhu, chaymá dicipuluncunapis cay allin willacuycäta allpäćhu lulayalcan. Ashicuy Daniel 7:13, 14 ñatac Mateo 24:14.

Canan’a cay poderoso gobernantica, Taytampa autoridaninta ćhaśquishanwanmi camacalun’a juyu nunacunäta, llaquicuycunäta. Jesusman illicúcunaca, cäsucücunaca cawsapäcun’a cushillam cay allpaca paraisuman muyuluptin. Ashicuy Salmo 37:9-11.

Masta yaćhayta munal’a ashicuy ¿Qué nos enseña la Biblia? śhutiyu librućhu 4, 5 capitulucunäćhu.