YAĆHACHICUY 17
¿Imanuymi Jesús?
Jesús cay allpaćhu cayal lulaśhancunacta ñatac willacuśhancunacta, yaćhaptinchicmi yanapamäśhun masta payman aśhuycunanchicpä ñatac Taytanman. Cayćhumi yaćhaśhun Jesús imanuy caśhanta ñatac imanuypam atichiśhun.
1. ¿Imacunaćhumi Jesús igualacun Taytanwan?
Jesús cielućhu Taytanwan capäcula walanga-walangantin watam paypimi imactapis yaćhala. Chaymi Jesús Taytannü piensan, sienten, imactapis lulan (liguicuy Juan 5:19). Chayurá, Jesús Taytantam allicta atichin chaymi pay nila: “Ya’acta licamäcá Taytätapis licaycunñam” (Juan 14:9). Chaymi, Jesusta allinta lisiptiqui, Jehovatapis allintam lisinqui. Jesús nunacunata llaquipalam, Jehovapis chaynümi llaquipayniyü.
2. ¿Imanuypam Jesús licachila Taytanta cuyaśhanta?
Jesús nila: “Jinantin nunacunaca yaćhapäcunanmi Taytäta cuyal nimäśhallanmannuy lulaycuśhäta” (Juan 14:31). Jesús cay allpaćhu cayal, licachila Taytanta allicta cuyaśhanta cäsucul masqui sasacunacta pasalpis. Chaypita, Jesusta allictam gustala Taytanpi limayta ñatac yanapala juccunacta Diospa amigun cananpä (Juan 14:23).
3. ¿Imanuypam Jesús licachila nunacunata cuyaśhanta?
Bibliaćhumi nimanchic Jesús “alli-allicta cuyaśhanta nunacunata” (Proverbios 8:31, TNM). Chaymi, nunacunapa śhun’unta jawcaycachila ñatac yanapaycula. Milagrucunacta lulala manam poderninta licachinallanpächu, sinu’a llaquipayniyü calmi (Marcos 1:40-42). Jesús cuyacümi cala, llapantapis igualmi licala. Pay yaćhachiśhanta uyalilmi nunacunaca masqui llaquiśha cayalpis, cushiculcala. Chaypi’a llapan nunacunata allicta cuyaśhampïmi wañucula, pero Jesús mastä cuyan cäsucünincunactam (liguicuy Juan 15:13, 14).
MASTA YAĆHAYCUŚHUN
Yaćhaśhun sumäta Jesús imanuy caśhanta chaypi’a cuyayninta ñatac alli śhun’unwan uycü caśhanta atichinanchicpä.
4. Jesús allictam cuyan Taytanta
Jesús yaćhachimalanchic paynü Diosta cuyananchicpä. Liguiśhun Lucas 6:12 ñatac Juan 15:10; 17:26. Cada textucta liguicul, limaśhun caypi:
Jesusta atichinanchicpä, ¿imacunactam Diosta cuyaśhanchicpï lulananchic?
Jesús allictam cuyala Taytan Jehovata ñatac cada ratullam mañacula.
5. Jesús nunacunapï preocupacunmi
Jesús quiquinpi mastam preocupacula juccunapï, masqui pishipaśha cayalpis, tiempunchaculam juccunacta yanapaycunanpä. Liguiśhun Marcos 6:30-44 ñatac limaśhun caypi:
Liguiśhanchicnü, ¿imanuycunapmi Jesús preocupacula juccunapï? (Licaśhun versiculucunata 31, 34, 41 ñatac 42).
¿Imapïmi yanapala nunacunata? (Licaśhun versiculuta 34).
Jesús Taytanta atichilmi nunacunata yanapala, ¿imactam chay yaćhachiśhunqui Jehovapi?
¿Imanuypam yanapachwan nunacunata Jesús lulaśhannü?
6. Jesús śhun’unpi-uycümi
Jesús mana achca iman captinpis pero śhun’unpi-uycümi cala, chaymi paynü cananchicta munan. Liguiśhun Hechos 20:35 ñatac limaśhun caypi:
Jesús limaśhannü, ¿imam masta cushichimanchic?
Licaśhun VIDEUCTA ñatac limaśhun caypi:
¿Imanuycunapmi uycuchwan mana achca imanchic captinpis?
Yaćhaycunayquipä
Bibliaca yaćhachimanchic Jehovata mañacunanchicpä Jesuspa śhutinćhu (liguiśhun Juan 16:23, 24). Chaywanmi agradecicunchic Jesús yanapamaśhanchicpi Jehovaman aśhuycunanchicpä.
WAQUINCUNA NIPÄCUN: “Ñacacunchic Diospa castigunpïmi”.
Jesús Taytanta atichilmi nunacunata yanapala, ¿imanuypam chay licachin Jehová ya’anchicpï preocupacuśhanta?
IMACTAM YAĆHALUNCHIC
Jesús allictam cuyan Jehovata ñatac cuyan nunacunata. Jesusta allinta lisiptiqui Jehová Diostapis allintam lisinqui.
Yalpaśhun
¿Imanuypam licachichwan Jesusnü Jehovata cuyaśhanchicta?
¿Imanuypam licachichwan Jesusnü nunacunata cuyaśhanchicta?
¿Jesús imanuy caśhantam masta gustaśhunqui?
MASTA YAĆHANAYQUIPÄ
Jesús imanuy caśhanta atichinayquipä, liguiy.
“Imitemos el ejemplo de Jesús” (Jesús: el camino, la verdad y la vida, página 317)
¿Imapïmi Jehovata mañacuśhun Jesuspa śhutinćhu? Liguiy.
“¿Por qué orar en el nombre de Jesús?” (La Atalaya, 1 de febrero de 2008)
¿Bibliaćhu ninchun Jesús imanuy cuerpuyü caśhanta? Liguiy.
Jesús walmicunata respetalam, ¿imanuypam payta atichiśhun? Liguiy.
“Dios respeta y valora a la mujer” (La Atalaya, 1 de septiembre de 2012)