Bautisacunayquipä callpanchacuy

Jesús yaćhachila cristiano cananchicpä puntacta bautisacunanchicmi (liguicuy Mateo 28:19, 20). ¿Imam bautismuca? ¿Imactam lulanayqui bautisacunayquipä?

1. ¿Imam bautismuca?

Griego limayćhu bautismuca cay ninanmi lluy cuerpunchictam yacu luliman chincalpächiśhun. Jesús Jordán mayućhu bautisacul lluy cuerpunta yacu luliman chincalpächila, chaymi Bibliaćhu nin ‘yacupi yalula’ (Marcos 1:9, 10). Cananpis rasunpa cristianucunaca bautisaculcan Jesusnümi.

2. ¿Imactam licachiśhun bautisacul?

Bautisacul licachinchic oracululña-servinanchicpä-Jehovallacta-wiñay-wiñaypä. Chaymi manalapis bautisacul japallachin lluy śhun’uninchicwan Jehovata oracuśhun, chay oracioncäćhumi niśhun payllacta-servinanchicpä-wiñay-wiñaypä “dedicación”. Chaypi’a payllacta adorananchicpä ñatac paypa munaśhanta puntacta lulananchicpä cawsayninchicćhu. Chaypi’a Jesusta atichiśhun ñatac yaćhachicuynincunactapis cäsucuśhunmi, Jesús nila: “Rasunpa mayanpis ya’ap laśhćhüman jalumuyta munäcá quiquinta un’acuycul jalumuchun ima pasaptinpis wañunancama” (Mateo 16:24). Oraculculña-servinanchicpä-Jehovallacta-wiñay-wiñaypä ñatac bautisaculuptinchic, mastam aśhuycunchic Jehovaman ñatac juccunawan servinchin payta.

3. ¿Imactam lulananchic bautisacunanchicpä?

Bautisacunanchicpä Diostam lisiśhun ñatac creiśhun payman (liguicuy Hebreos 11:6). Diostam masta lisiśhun ñatac masta creiśhun chaymi payta mastam cuyaśhun. Chay yanapamäśhunmi Diospi-willacunanchicpä nunacunaman ñatac cäsucunanchicpä Bibliaca nishanta (2 Timoteo 4:2; 1 Juan 5:3). ‘Jehová munaśhannü cawsaptinchic’, decidicuchwanmi oracuyta-servinanchicpä-Jehovallacta-wiñay-wiñaypä ñatac bautisacuśhunmi (Colosenses 1:9, 10).a

MASTA YAĆHAYCUŚHUN

4. Jesuspa bautisacuśhampi yaćhaycuśhun

Jesuspa imanuy bautisacuśhanta masta yaćhanapä, liguiśhun Mateo 3:13-17. Chaypi’a limaśhun caypi:

• Jesús bautisacul, ¿iñachallachun cala?

• ¿Umallanmanchun yacucta jillpula, icha imanuypam bautisacula?

Jesús bautisaculculmi Diospa mandaśhantanü lulayta ayaycula. Liguiśhun Lucas 3:21-23 ñatac Juan 6:38, ñatac limaśhun caypi:

• Ña bautisaculul, ¿imacta lulananpämi Jesús masta callpanchacula?

5. Am puydinquim bautisacuyta

Piensaptiqui oracuyta-servinayquipä-Jehovallacta-wiñay-wiñaypä ñatac bautisacunayquipä ichapisćha manchacunquiman. Pero Jehovapi masta yaćhaptiqui manañam manchacunquichu. Bautisacuśhacunaca ima nishancunacta yaćhanayquipä, licaśhun VIDEUCTA.

VIDEO: Fortalece tu amistad con Jehová (1:11)

Liguiśhun Juan 17:3 ñatac Santiago 1:5, ñatac limaśhun caypi:

• ¿Imactam lulanayqui bautisacuyta munal?

1. Bautisacunapä juc oracionćhu niśhun Jehovata, payllacta servinanchicpä wiñay-wiñaypä.

2. Bautisacuśhanchicwanmi hermanunchiccuna yaćhapäcun’a oracuśhanchicta-servinanchicpä-Jehovallacta-wiñay-wiñaypä.

6. Bautisacuptinchic Diospä malcanmanmi yaycunchic

Diospa malcan juc familianüllam jucllapimi canchic. May lädu calpis Jehovallactam adoranchic ñatac Biblia nishallantam cäsucunchic. Liguiśhun Salmo 25:14 ñatac 1 Pedro 2:17, ñatac limaśhun caypi:

• Cay textucunaca nishannü, ¿imanuypam yanapamanchic bautisacuptinchic?

IMACTAM YAĆHALUNCHIC

Jesús nila cristiano cananchicpä bautisacunanchicmi. Chayta lulananchicpä Jehovamanmi creinanchic, mandamaśhanchicta cäsucunanchicmi ñatac oracuśhun-servinanchicpä-Jehovallacta-wiñay-wiñaypä.

Yalpaśhun

• ¿Imam bautismuca, ñatac imapïmi alli puydin?

• Oracuyca-servinapä-Jehovallacta-wiñay-wiñaypä bautismuwan, ¿igualchun?

• ¿Imactam lulanayqui, oracunayquipä-Jehovallacta-servinayquipä-wiñay-wiñaypä ñatac bautisacunayquipä?

MASTA YAĆHANAYQUIPÄ

¿Ima ninmi nunacunaca bautismupi ñatac ima ninmi Bibliaca bautismupi? Liguiy.

“¿Qué es el bautismo?” (Artículo de jw.org)

Waquin yanapaycuna bautisacunayquipä, chayta yaćhanayquipä liguiy.

“El amor y la gratitud a Jehová conducen al bautismo” (La Atalaya, marzo de 2020)

Juc hombre bautisacunanpä quiquinmi tantiacula, chayta yaćhanayquipä liguiy.

“Querían que descubriera la verdad por mí mismo” (La Atalaya, 1 de febrero de 2013)

¿Allinchun canman callpanchacuptiqui bautisacunayquipä ñatac imacunactam lulanayqui bautisacunayquipä? Liguiy.

“¿Debería bautizarme ya?” (Lo que los jóvenes preguntan. Respuestas prácticas [volumen 2], capítulo 37)