• Allinta tantiayculmi decidiśhun
    ¿Munanquimanchun wiñay-wiñaypä cushisha cawsacuyta? Bibliapi yaćhanapä

    • 5. Juccunapa conciencianta respetananchicmi

      Llapanchicpis manam igualchu canchic, chaymi mana igualllachu imactapis piensanchic ñatac lulanchic. ¿Imanuypam licachichwan juccunapa conciencianta respetaśhanchicta? Cayćhu yaćhaśhun ishcay ejempluctam.

      1: Juc hermananchictam ñawinta, shiminta pintacuyta gustala, payshi licula juc malcaman, chayćhu hermanacunashi mana allinpä licapäcula pintacuśhampi.

      Liguiśhun Romanos 15:1 ñatac 1 Corintios 10:23, 24, ñatac limaśhun caypi:

      • Cay textucuna liguiśhanchicnü, ¿imactam lulanman chay hermanaca? Amtapis chaynü pasaśhuptiqui, ¿imactam lulanquiman?

      2: Juc hermano yaćhan ashllay tragullacta upiay mana jucha caśhanta Biblia nishannü, pero pay decidila tragucta mana nunca upiananpä. Payta invitaycula juc utunacuyman chayćhushi licala hermanucunata ashllay tragullacta upiayäta.

      Liguiśhun Eclesiastés 7:16 ñatac Romanos 14:1, 10, ñatac limaśhun caypi:

      • Cay textucuna liguiśhanchicnü, ¿imactam lulanman chay hermanuca? Amtapis chaynü pasaśhuptiqui, ¿imactam lulanquiman?

      ¿Imam yanapaśhunquiman allinta decidinayquipä?

      Juc walmi mañacuyan.

      1. Jehovata mañacuy yanapayta (Santiago 1:5).

      Chay walmica ashiyan yaćhayta Bibliaćhu, publicaciuncunaćhu Bibliapi papelćhu ñatac juc computadoraćhu.

      2. Ashiy yaćhachicuycunacta Bibliaćhu ñatac publicaciuncunaćhu chayćhumi yaćhanqui Dios niśhancunacta. Hermanucunactapis tapucunquimanmi.

      Chay walmica piensayan.

      3. Piensay imaćh pasaśhunquiman. ¿Imanuymi can’a concienciayqui? ¿Imanuytam licanman juccuna am lulaśhayquita?

  • ¿Imapïmi allinta mudacunanchic ñatac allichacunanchic?
    ¿Munanquimanchun wiñay-wiñaypä cushisha cawsacuyta? Bibliapi yaćhanapä

    • Llapanchicmi mudacunchic decidicuśhanchicmannü. Bibliapa yaćhachicuyninmi yanapamäśhun imanuy mudacunanchicpä Jehovata cushichinanchicpä. Chaypimi yaćhaycuśhun.

      1. ¿Ima Bibliapa yaćhachicuynincunam yanapamachwan allinta mudacunanchicpä?

      Cristianucunaca ‘allintam mudacunanchic, juccunatam respetananchic ñatac allin tantiaywanmi mudacunanchic’. Chaypi’a manam anla pulinanchicchu ‘Diosta sirvïcunaca’ (1 Timoteo 2:9, 10). ¿Imacunactam cay textupa niśhantanü yaćhachwan? 1) ‘Allintam mudacunanchic’. Ichapishćha utunacuycäćhu cayal licalanqui manam igualllachu mudaculcan, mudacuśhanchicwan ñatac ñachacuśhanchicwanmi licachiśhun Diosta respetaśhanchicta. 2) ‘Juccunatam respetananchic’. Manam quićhqui mudanawan mudacuśhunchu juccuna licamanallanchicpächu. 3) ‘Allin tantiaywanmi’. Mudacunanchic manam moda yalamuśha mudanawan ćhulacunanchicchu. 4) Mudacuśhanchicwanmi ñatac allichacuśhanchicwanmi licachiśhun ‘Diosta sirvïśhanchicta’. (1 Corintios 10:31).

      2. ¿Imactam tantianayqui mudacuśhayqui hora?

      Cada unum decidichwan imawan mudacuyta. Pero piensaśhunmi mudacuśhanchicwan mana juccunata jucmanyächinanchicpä nï piñachinanchicpä. Bibliami nin: “Chalapacü-mäsinchic wiñaycunanpämi allinninta lluypis ashiycunanchic” (liguicuy Romanos 15:1, 2).

      3. ¿Imanuypam yanapanman mudacuśhanchic juccunacta Jehovata lisinanpä?

      Matrimoniuman lil allintam mudacunchic manam trabajunchicchu mudanawanchu linchic, chaynütacmi allinta mudacunanchic utunacuycaman lil o predicacioncaman lilpis. Manam munanchicchu predicä yaluptinchic mudacuśhanchicwan nunacuna mana uyalinanta. Aśhwanpa, munanchic juccuna Diospi yaćhananta, ñatac “Diospa yaćhachicuyninta sumä-sumä tuquicta” licachinanchicpä (Tito 2:10).

      MASTA YAĆHAYCUŚHUN

      Imanuypam yaćhanchic mudacuśhanchic ñatac allichacuśhanchic Diospa munaśhanmannü caśhanta.

      Ishcay hombre śhacuyalcan juezpa puntanćhu. Jucnin cayan ternocuśha allin mudanawan, jucninñatac mana allin mudacuśha pantalunnin aśhyaśha, ipa cutinpa gorrocuśha.

      Autoridäcunaman lil allintam mudacunchic. Masqui Jehová śhun’unchicta lisiptinpis, pero allin mudacuśhanchicwanmi licachiśhun respetaśhanchicta.

      4. Allinta mudaculmi licachinchic Jehovata respetaśhanchicta

      ¿Imapïmi allinta mudacunanchic? Liguiśhun Salmo 47:2 ñatac limaśhun caypi:

      • Diosta adoräcunaca, ¿imanuytam mudacunanchic?

      • ¿Imapïmi tuquicta mudacunanchic utunacuycaman lil ñatac predicacioncaman lil?

      5. Imanuypam allinta aclaśhun mudacunanchicpä ñatac allichacunanchicpä

      Licaśhun VIDEUCTA.

      VIDEO: “Háganlo todo para la gloria de Dios” (10:18)

      Mudananchic manam ćhaniyülächu canman. Aśhwanpa canman limpium Jehovata cushichinanchicpä. Liguiśhun 1 Corintios 10:24 ñatac 1 Timoteo 2:9, 10. Chaypi’a limaśhun caycunapi:

      • ¿Imapïmi mana mudacunanchicchu anla o aśhyaśha mudanacunawan?

      • ¿Imapïmi mana mudacunanchicchu quićhqui mudanacunawan licachicunallanchicpä?

      Moisespa ćhasquiśhan mandatucunata manañam obligaduchu canchic cäsucunapä, pero chay mandatucunaca yanapamanchic yaćhanapä imacta Dios piensaśhampi. Liguiśhun Deuteronomio 22:5 ñatac limaśhun caypi:

      • ¿Imapïmi mana allinchu juc hombre walminü mudacunan ñatac juc walmi hombrinü mudacunan?

      Liguiśhun 1 Corintios 10:32, 33 ñatac 1 Juan 2:15, 16, ñatac limaśhun caypi:

      • Mudacuśhanchicwan juc nunacunacta o hermanunchiccunacta piñachiptinchic, ¿jinallachun cachwan o imanachwanmi?

      • ¿Imanuypam malcayquichu mudaculcan?

      • ¿Allinchun canman paycunanü mudacunanchic?

      Llapanchicmi masqui imaymanawan mudaculpis, Jehovata cushichiśhun.

      Hombripis walmipis imaymana edäwan, razacunapi ñatac naciuncunapi allin mudacuśhacama cristianunü. Imaymanap ñächacuśha ñatac imaymanawan mudacuśha.

      WAQUINCUNA NIPÄCUN: “Quiquí munaśhätanümi mudacü imam ücun mayantapis”.

      • ¿Ima ninquimanmi chayta niśhuptiqui?

      IMACTAM YAĆHALUNCHIC

      Mudacuśhanchicwanmi licachinchic Jehovata respetaśhanchicta ñatac nunamasinchicta.

      Yalpaśhun

      • ¿Imapïmi Diospa munaśhanmannü mudacunanchic?

      • ¿Mayannin Bibliapa yaćhachicuyninmi yanapamachwan allinta mudacunanchicpä?

      • Mudacuśhanchicwan, ¿yanapachwanchun juccunacta Diosta sirvinanpä?

      Caypä callpanchacuy

      MASTA YAĆHANAYQUIPÄ

      ¿Allinchun cayan mudacuśhayqui? Caypi yaćhanayquipä liguiy.

      “¿Qué imagen doy?” (Artículo de jw.org)

      ¿Imapïmi allinta pinsananchic manalapis tatuajicta lulacul? Liguiy.

      “¿Hay algo de malo en hacerse tatuajes?” (Artículo de jw.org)

      Bibliapa mayannin yaćhachicuyninmi, ¿yanapaśhunquiman allinta decidinayquipä? Liguiy.

      “¿Da gloria a Dios nuestra forma de vestir?” (La Atalaya, septiembre de 2016)

      ¿Imam yanapala juc walmicta respetananpä juccuna mudacuśhanta? Chayta yaćhanayquipä liguiy.

      “El arreglo personal era mi piedra de tropiezo” (¡Despertad!, 22 de diciembre de 2003)