-
¿Ima ninmi Jehová fiestacunapi?¿Munanquimanchun wiñay-wiñaypä cushisha cawsacuyta? Bibliapi yaćhanapä
-
-
Liguiśhun Efesios 5:10 ñatac limaśhun chaypi:
Ima fiestactapis fiestachacunapä decidilcul, ¿imactam yalpananchic?
¿Ima fiestacunactam malcayquićhu lulapäcun?
Chay fiestacunapi, ¿ima ninćha Jehová?
¿Imanuytam Dios lican cumpleañucunata? Bibliaćhu manam ninchu Jehovapa siervuncuna fiestachacuśhanta cumpleañunćhu, pero Bibliaćhu niyanmi ishcay nuna mana Diosta adoracuna lulapäcuśhanta cumpleañunta. Liguiśhun Génesis 40:20-22 ñatac Mateo 14:6-10. Cada textucta liguicul limaśhun chaypi:
¿Imam pasala cay ishcay nunacunapa cumpleañunćhu?
Liguiśhanchicnü, ¿ima ninmi Jehová cumpleañucunapi?
Cumpleañunchicta lulaptinchic o juc mana allin fiestacunaman liptinchic, ¿imanuyćha sienten Jehová? Liguiśhun Éxodo 32:1-8. Chaypi’a licaśhun VIDEUCTA ñatac limaśhun chaypi:
¿Imapïmi yaćhananchic Jehovata ima fiestacuna piñachiśhanta?
¿Imactam lulachwan chayta yaćhanapä?
¿Imanuypam yaćhachwan juc fiesta cushichinmanchun o manachun Jehovata?
¿Cay fiestaca Bibliaca yaćhachiśhanwan contrachun cayan? Chaypi allinta yaćhay imanuypam licalimula chay fiestaca.
¿Cay fiestacunawan nunacunatachun o naciuncunatachun alawapäcun? Ya’anchic Jehovallactam confiacunchic ñatac ya’anchic alcayanchic payllactam llapan problemacunacta allichananpä.
¿Cay fiestacunaćhu mana allintachun lulapäcun? Ya’anchic munanchic Diosta cäsucuytam.
-
-
Jehová munaśhannümi cushicuśhun ñatac divirticuśhun¿Munanquimanchun wiñay-wiñaypä cushisha cawsacuyta? Bibliapi yaćhanapä
-
-
YAĆHACHICUY 53
Jehová munaśhannümi cushicuśhun ñatac divirticuśhun
Jehová “cushisha Diosmi” (1 Timoteo 1:11, TNM). Pay munan cushisha cawsacunanchictam. Jehová munanmi tiempunchacunanchicta trabajunchicpi jamaycunanchicpä. Cay yaćhachicuycäćhu yaćhaśhun imanuypam divirticuchwan Jehová munaśhannü.
1. ¿Imam yanapamäśhun allinta aclananchicpä divirsionninchicta?
¿Imacuna lulaymi gustaśhunqui divirticunayquipä? Waquincunacta gustanmi librucunacta liguïta, taquicunacta uyalïta, peliculacunacta licayta o internetćhu licayta. Waquincuna munan amiguncunawan awsayta, paseamú lïta o nadayta. Imacunawan divirticulpis seguracuśhunmi “Tayta Diospa śhun’unpänüy” cananpä (Efesios 5:10). Waquin nunacuna divirticulcan Jehovapa ćhïniśhancunawan ma’anacuycunacta, anla-juchacunacta ñatac brujacuycunacta licapäcun (liguicuy Salmo 11:5). ¿Imam yanapamäśhun allinta decidinanchicpä?
Jehovata cuyá amigucunactam aclananchic, paycuna yanapamäśhun allin divirsionta aclananchicpämi Jehová munaśhantanü. 48 yaćhachicuycäćhu yaćhaśhanchicnümi, “yaćhayniyücäwan pulïcá yaćhayniyümi can’a”. Ñatac Jehovata mana cäsucü nunacunawan pulïcá “mana allinćhu camacan’a” (Proverbios 13:20).
2. ¿Imapïmi divirsioncäćhu mana anchap tiempunchicta pasachwanchu?
Masqui allin divirticuyca captinpis pero manam anchap tiempunchicta pasananchicchu divirticuycällaćhu. Chaycunallaćhu tiempunchicta pasaluptinchic manam camamäśhunchu alli puydicunata lulananchicpä. Bibliami animamanchic tiempuyquicunacta “ama usuchipäcuychu” (liguicuy Efesios 5:15, 16).
MASTA YAĆHAYCUŚHUN
Canan yaćhaśhun imacunam yanapamäśhun allin divirsionninchicta aclananchicpä.
3. Mana allin divirsioncunapi cuidacuśhunmi
¿Imapïmi allinta aclananchic divirsioncäta? Licaśhun VIDEUCTA ñatac limaśhun caypi:
¿Ima divirsionmi canman unay tiempo Roma naciuncäćhu wañuchinacuśhannü?
Videućhu licaśhanchicnü, ¿imapimi tantiala Danny?
Liguiśhun Romanos 12:9 ñatac limaśhun caypi:
¿Imanuypam yanapamanchic cay textuca divirsionninchicta aclananchicpä?
¿Imacunactam Jehová ćhïnicun? Liguiśhun Proverbios 6:16, 17 ñatac Gálatas 5:19-21. Cada textucta liguicul, limaśhun caypi:
Bibliaćhu liguiśhanchicnü, ¿imacunawan divirticunanchictam Jehová mana munanchu?
¿Imanuypam aclananchic allin divirsionta?
Piensay:
¿Imapimi can’a divirsionca? ¿Jehová ćhïnicuśhancunapichun?
¿Imay hora can’a? ¿Ućhimachwanchućh tiempunchicta puydicunacta lulananchicpä?
¿Mayanwanmi can’a? ¿Jehovata mana cuyá nunawanchun achca tiempucta pasanqui?
Carructa manejal manam carreterap patallanpachu puśhaśhun, aśhwanpa mas calupmi seguro cananchicpä. Chaynümi divirsioncäwanpis Jehovapa ćhïnicuśhampi aśhucunanchicmi.
4. Tiempunchicta ama usuchiśhunchu
Licaśhun VIDEUCTA ñatac limaśhun caypi:
Videućhu hermanuca masqui mana juyu cayta lulalpis, ¿imacunaćhumi masta tiempunta usuchila?
Liguiśhun Filipenses 1:10 ñatac limaśhun caypi:
¿Imanuypam yanapamanchic cay textuca decidinapä ayca tiempo pasaśhanchicta divirsionninchicćhu?
5. Allin divirsiontam aclananchic
Jehová munan allinwan divirticunanchictam, chayta lulalmi cushicuśhun, Jehovatapis cushichiśhun. Jehová manam munanchu mana allin divirsionta lulananchicta. Liguiśhun Eclesiastés 8:15 ñatac Filipenses 4:8, ñatac limaśhun caypi:
¿Ima allin divirsiontam gustaśhunqui?
Divirticuchwan allin divirsionta lulalmi.
WAQUINCUNA NIPÄCUN: “Licayllä licacuchwanmi brujucunactapis, ma’anacuycunactapis ñatac anla-juchactapis, lulaycämi juyu canman”.
Am, ¿ima ninquim?
IMACTAM YAĆHALUNCHIC
Jehová munan allin divirsionta aclananchictam cushicunanchicpä.
Yalpaśhun
¿Ima divirsioncunactam mana aclananchicchu?
¿Imapïmi mana usuchiśhunchu tiempunchicta achca divirsioncunawan?
¿Imapïmi aclananchic Jehová munaśhantanü divirsionninchicta?
MASTA YAĆHANAYQUIPÄ
¿Mayanmi aclanman divirsionninchicta? Chaypi yaćhanayquipä liguiy.
Liguiy imanuypam aclananchic divirsionninchicta.
“¿Son sanas nuestras diversiones?” (La Atalaya, 15 de octubre de 2011)
Yaćhaycuy, ¿imapïmi juc hombre divirsionninta caćhaycula?
“La Biblia les cambió la vida” (La Atalaya, 1 de febrero de 2010)
Licay, ¿imanuypam juc walmi demoniucunapi peliculacunacta caćhaycula?
-