Aclay allin amigucunacta

Allin amigunchiccuna captin’a cushisham canchic paycunawan captinchic, ñatac ima llaquinchictacpis un’anchicmi. Bibliaca nishannü manam llapanchu allin amigucuna. Chayurá, ¿imanuypam aclaśhun allin amigucunacta? Canan, chaytam licaśhun.

1. ¿Imapïmi amigunchicta allinta aclananchic?

Mana allin lülá nunacunawan jucllaćhacuptinchic paycunanümi lulayta allayculuchwan. Paycunawan cusca limaptinchic o internetpa limaptinchic paycunanümi lulayta allaycuchwan. Bibliami nin: “Yaćhayniyücäwan pulïcá yaćhayniyümi can’a; luclucunäwan [o Jehovata mana cüyá nunacuna] pulïcäñatacmi ichá mana allinchu camacan’a” (Proverbios 13:20). Amigunchiccuna Jehovata cuyaptin ñatac adoraptin, yanapamäśhunmi Diosllawan cananchicpä, ñatac allin decisionta lulananchicpä. Pero Diosta mana sirvi nunacunawan am puliptiqui, Jehovapimi calupächiśhunquiman. Chaymi Bibliaca consejamanchic allin amigucta ashinanchicpä. Jehovata sirvi amigunchic captin, allinmi caśhun. Chaymi Bibliaca nimanchic: ‘Jinalla callpanchanaculcay ñatac yanapanaculcay’ (1 Tesalonicenses 5:11).

2. Jehovata cushichinanchicpä, ¿imanuypam allin amigucunacta aclananchic?

Jehová amiguncunacta allintam aclan. Chaymi Bibliaca nin: “allin nunacunäwanñatacmi ichá cusca caycun” (Proverbios 3:32). Jehovata mana cuyä amigucunacta aclaptinchic, ¿imanuymi sintinman Jehová? Allictam llaquicunman (Liguicuy Santiago 4:4). Mana allin amigucunapi aśhucuptinchic Jehová allictam cushicun’a chaypi’a pay cuyamäśhunmi (Salmo 15:1-4).

MASTA YAĆHAYCUŚHUN

3. Jehovata mana cuyäcunapi cuidacuy

Mana allin amigucunaca Jehovata manam cuyanchu, nï mandaśhanta cäsucunchu. Licaśhun VIDEUCTA ñatac limaśhun caypi:

VIDEO: Cómo rechazar las malas compañías (6:17)

• ¿Imanuypam mana tantial mana allin nunacunawan juntaculunquiman?

Liguiśhun 1 Corintios 15:33 ñatac limaśhun caypi:

• Ampä, ¿mayancunam mana allin nunacuna canman? ¿Imapïmi?

Liguiśhun Salmo 119:63 ñatac limaśhun caypi:

• ¿Imanuy nunacunactam ashinquiman amiguyqui cananpä?

4. Manam wiñay masillanchicwanchu amigo cananchic

Bibliaćhu willamanchic Davidpi ñatac Jonatanpi, paycuna imanuy uywaśha calpis, ayca watayü calpis allin amistämi capäcula. Liguiśhun 1 Samuel 18:1 ñatac limaśhun caypi:

• ¿Imanuy nunam amigunchic canman wiñaymäsillanchicchun, wacchacunallachun o ricocunallachun?

Liguiśhun Romanos 1:11, 12 ñatac limaśhun caypi:

• Jehovata cuyä amigucunaca, ¿imanuypam animanaculcan?

¿Imanuypam juc walaśh talila amiguncunacta? Licaśhun VIDEUCTA ñatac limaśhun caypi:

VIDEO: Hay amigos donde menos te lo esperas (5:06)

• ¿Imapïmi Akil śhutiyüpa taytancuna preocupäcuśha cayäla?

• ¿Imapïmi Akil chay amigucunata ashila?

• ¿Imactam Akil lulala mana japallannü cananpä?

5. Imactam lulachwan allin amiguyü cananchicpä

VIDEO: ¿Qué es un amigo verdadero? (4:14)

Liguiśhun Proverbios 18:24 ñatac 27:17, ñatac limaśhun caypi:

• ¿Imanuypam yanapanacun allin amigucuna?

• ¿Proverbios nishannüchun amiguyquicuna? Mana chaynü captin’a, ¿imanuypam talinquiman?

Liguiśhun Filipenses 2:4 ñatac limaśhun caypi:

• Allin amiguyü canayquipä, ampis allin amigun canquiman. Chaypä, ¿imacunactam lulanquiman?

IMACTAM YAĆHALUNCHIC

Allin amigucta aclaptinchic’a allinmi canchic ñatac Jehovatam cushichiśhun.

Yalpaśhun

• ¿Imapïmi Jehová munan allin amigunchic cananta?

• ¿Imanuy nunacunam mana amigunchic canmanchu?

• ¿Imactam lulanquiman Jehovata cuyá amiguyqui cananpä?

MASTA YAĆHANAYQUIPÄ

Imanuypam allin amigunchiccuna yanapamachwan sasacuna pasamaptinchic, liguiy.

“Hagamos amistades fuertes antes del fin” (La Atalaya, noviembre de 2019)

Yaćhay allin amigucunacta talinayquipä.

“¿Cómo son los buenos amigos?” (Lo que los jóvenes preguntan. Respuestas prácticas [volumen 1], capítulo 8)

¿Allinchun internetćhu amistäcuna ashi? Licay videucta.

Si usas las redes, no te enredes (4:12)

Cayćhu yaćhay imapïmi juc hombre amiguncunacta cambiala.

“La Biblia les cambió la vida” (La Atalaya, 1 de abril de 2012)