YAĆHACHICUY 49
Imanuypam familiayquiwan cushisha cawsanquiman (juc parti)
Chayla casaracücunaca munan casaracuśhan muyunnü cushisha cawsacuytam. Puydinmanmi cushisha cawsacuyta. Casado cristianucunaca yaćhapäcunñam cayta, callpanchaculcanmi Bibliaca nishanmannü cäsucuyta.
1. ¿Ima ninmi Bibliaca esposucunata?
Jehová ćhulala esposucunata familianpa umantanü (liguicuy Efesios 5:23). Jehová munan esposucunaca familiancunapä allinta lulanantam. Bibliami un esposucunata cay consejuta: “Walmiquita cuyapäcuy” (Efesios 5:25). ¿Ima ninanmi chay? Cuyacü esposuca cuyaywanmi limapan walminta juccunap ñawquinpis o ishcayllan cayalpis. Esposuca walminta cuidanmi manam faltachinchu micuynintapis, nï imactapis, llaquisha cayaptinpis consuelaycunmi (1 Timoteo 5:8). Chaypi’a yanapan cushisha Jehovata sirvinanpä paywan cuscan (Mateo 4:4). Jehovata mañaculcan, Bibliatapis cuscan liguipäcun. Esposuca cuyaywan walminta cuidaptin Jehovawanpis allinpam can’a (liguicuy 1 Pedro 3:7).
2. ¿Ima ninmi Bibliaca esposacunata?
Bibliaca nin esposacunata, “esposunta respetuwanmi licanan” (Efesios 5:33). ¿Imanuypam esposaca chayta lulanman? Chaypä pinsanman esposuca allincunacta lulaśhantam ñatac paytapis chulincunactapis allinta cuidaśhantam. Chaypi’a respetanmi esposunpa decisiunninta, cuyaywanmi limapan masqui mana Diosta sirviptinpis.
3. ¿Imactam ishcaynin lulanman tuquilla cawsaculcananpä?
Bibliaca nin casaducunata: “Ishcayninmi jucllaña capäcun’a” (Mateo 19:5). Chaypä manam caćhaycanacunanchu mayanninpis. Chaymi tiempucta pasanman cuscan, imacta piensaśhancunacta, imacta sintiśhancunacta confianzawanmi willanaculcanman. Ñawinpis, śhun’unpis esposallanpämi ñatac esposullanpämi canman, manatacmi esposunwannü o walminwannü juccunawan limanmanchu.
MASTA YAĆHAYCUŚHUN
Yaćhaśhun Bibliapa-yaćhachicuynincunacta casaducunapä.
4. Esposucuna esposayquita cuyanquim ñatac cuidanquim
Bibliami nin: ‘Maynümi esposuca aychanta ama-pacha nin, chaynümi walminta cuyapäcunan’ (Efesios 5:28, 29). ¿Ima ninanmi chay? Licaśhun VIDEUCTA ñatac limaśhun caypi:
¿Imanuypam esposuca licachinman walminta cuyaśhanta?
Liguiśhun Colosenses 3:12 ñatac limaśhun caypi:
¿Imanuypam esposuca licachinman cay textućhu nishanta?
5. Esposacuna esposuyquita cuyanquim ñatac respetanquim
Bibliami nin, esposaca respetananmi esposunta masqui esposuca Jehovata sirviptin o mana. Liguiśhun 1 Pedro 3:1, 2 ñatac limaśhun caypi:
Esposuyqui mana Jehovata sirviptin munanquimanćha amnü sirvinanta. Chaypä, ¿Diosllapiña limayaptiquichun icha imacuna lulaśhayquiwanmi Diosman aśhuycunman?
Casaducunaca ishcayninmi imactapis allinta decidipäcunman. Esposuca decidiśhan, esposanpä mana allinnü captin, respetullawanmi nïcunman piensaśhanta. Pero yalpananmi esposaca, Diosmi ćhulala esposunta decisionta lulananpä. Ñatac esposunta apoyanmanmi decisionta lulaptin. Chaynüpam casaducunaca cushisha jawca cawsaculcan’a. Liguiśhun 1 Pedro 3:3-5 ñatac limaśhun caypi:
Esposaca respetaptin esposunta, ¿imanuymi Jehová sienten?
6. Ima sasacunactapis allichanmanmi casado vidanćhu
Casaducunapä siemprem can’a sasachacuycuna, chaymi ima sasacuna captinpis ishcayninmi yanapanacul allichan’a. Licaśhun VIDEUCTA ñatac limaśhun caypi:
Videućhu licaśhanchicnü casaducunaca, ¿imanuypam paycuna quiquinpula calupänaculcala?
¿Imacunactam lulapäcula matrimoniun mas masïsu cananpä?
Liguiśhun 1 Corintios 10:24 ñatac Colosenses 3:13 cada textucta liguicul, limaśhun caypi:
Cay consejuta cäsucuptin, ¿imapïmi tacyan matrimoniuca?
Bibliami nin respetanacuchwanmi, chaypämi juccunawan limananchic respetuwan cuyaywan. Liguiśhun Romanos 12:10 ñatac limaśhun caypi:
¿Nichwanchun esposüla respetamächun chaylämi ya’apis respetaśha?
WAQUINCUNA NIPÄCUN: “Casado vidaćhu manam unaynüñachu cuyanaculcä”.
Chayta niśhuptiqui, ¿imanuypam yaćhachinquiman Bibliaca yanapananpä?
IMACTAM YAĆHALUNCHIC
Casaducunaca cushisham capäcun’a cuyanaculcaptin, respetanaculcaptin ñatac Bibliapa yaćhachicuynincunacta cäsuculcaptin.
Yalpaśhun
¿Imanuymi esposuca canman walminwan cushisha cawsacunanpä?
¿Imanuymi esposaca canman esposuwan cushisha cawsacunanpä?
Casaduña captiqui, ¿mayannin Bibliapa yaćhachicuyninmi yanapaśhunquiman mas cushisha cawsacunayquipä?
MASTA YAĆHANAYQUIPÄ
Yaćhaycuy imam yanapaśhunquiman esposuyquiwan o esposayquiwan cushisha cawsacunayquipä.
Licay videućhu tuqui taquicta casaducunaca Diosta cäsucul cushisham cawsaculcan nishanta.
Yaćhaycuy esposacuna imapïmi respetanan esposunta.
“¿Por qué debe la mujer respetar el principio de autoridad?” (La Atalaya, 15 de mayo de 2010)
¿Imanuypam juc matrimonio allichala problemancunacta quiquinpula divorciunpi? Licay videucta.