Achca nunacunam hombrica walmiwan puñuśhampi limayta pin’aculcan. Pero Jehová escribichila Bibliaćhu hombrica walmiwan puñuśhampi yaćhananchicpä. Dios licalichimaninchic calmi imactapis allinninchicpä yaćhachimanchic. Chaymi Bibliaćhu nimanchic imanuypa cawsacunanchicpä Jehovata cäsucul payta cushichiśhunmi ñatac ya’anchicpis cushisham cawsacuśhun wiñay-wiñaypä.

1. ¿Ima ninmi Jehová hombrica walmiwan puñuśhampi?

Jehová munan walmiwan hombrica puñunanta cuscan casado cäcunallactam. Casaraculcan manam chulincuna cananta munallalchu, aśhwanpa cuyanacul cushisha cawsaculcananpämi. Chaymi Bibliaćhu nin: ‘Müsu caśhayqui masanllayquiwan casaracul puñuculcay cushisha’ (Proverbios 5:18, 19). Jehová manam munanchu casaducunaca mansebaculcananta. Pay munan walmillanwan o esposullanwan cuyanaculcanantam (liguicuy Hebreos 13:4).

2. ¿Ima ninmi Jehová anla-juchacunapi?

Bibliaca yaćhachin ‘anla-juchacuycunaćhu cä nunacunaca […] Diospa gobiernunman manam yaycun’achu’ (1 Corintios 6:9, 10; Gálatas 5:19-21). Griego limayćhu anla-jucha limayca pornéia ninanmi. Jehovapä imacunam anla-juchapäcuyca 1) walmiwan hombre mana casaracullal puñuptin,a 2) hombrepula o walmipula casadunü puñuptin ñatac 3) uywacunawan anla-juchacunacta lulaptin. Lluy caycunaman mana palpuptinchic’a Jehovata cushichiśhun ñatac allinmi cawsacuśhun (1 Tesalonicenses 4:3).

MASTA YACHAYCUŚHUN

3. Ayiculcay anla-juchacunapi

Bibliaćhumi willamanchic Diospa juc siervun José, anla-juchacunaman mana palpuśhampi. Liguiśhun Genesis 39:1-12 ñatac limaśhun caypi:

• ¿Imapïmi José ayicula? (Liguicuy 9 versiculuta).

• ¿Allinchun chay lulaśhan?

VIDEO: Huye de la inmoralidad (5:06)

Jehová manam munanchu anla-juchacunacta lulananchicta. Liguiśhun 1 Corintios 6:18 ñatac limaśhun caypi:

• ¿Imacunam palpachimachwan anla-juchacunacta lulananchicpä?

• ¿Imanuypam am ayicunquiman anla-juchacunapi?

4. Anla-juchacunaman mana palpunayquipä callpanchacuy

VIDEO: Luchemos contra las tentaciones leyendo la Biblia (3:02)

• Cay videućhu licaśhanchic hermanuca anla-juchacta lulayta munayalmi cuentacta ucüla, ¿imactam lulala?

Diosta adoracunaca callpanchacuśhunmi anla-juchacunaman mana piensananchicpä. ¿Imam yanapaśhunquiman anla-juchacunacta mana piensanayquipä? Liguiśhun Filipenses 4:8 ñatac limaśhun caypi:

• Anla-juchacunaman piensaśhanchicnu’a, ¿imacunamanmi piensananchic?

• Bibliata liguiptiqui ñatac Diosta serviptiqui, ¿yanapaśhunquimanchun anla-juchacunaman mana palpunayquipä?

5. Jehovapa mandamäśhanchiccuna allinninchicpämi

VIDEO: A los insensatos les va mal (9:31)

• ¿Imactam lulala chay walaśhca anla-juchacunaman palpunanpä? (Liguicuy 8, 9 versiculucunapi).

• Proverbios 7:23, 26 nishannü, anla-juchacunacta lulacunaca achca sasacunactam uywapäcun. ¿Ima sasacunapïmi libramanchic mana anla-juchacunaman palpuptinchic?

• Anla-juchacunaman mana palpul, ¿imanuymi cawsaśhun cananpis śhamü tiempucunaćhupis?

Bibliaca niyan anla-jucham, walmipula cäcunaca o hombrepula cäcunaca. Jehová llapanchictam cuyamanchic, chaymi mandatuncunacta umanchic cäsucul cushisha wiñay-wiñaypä cawsacunanchicpä. Liguiśhun 1 Corintios 6:9-11 ñatac limaśhun caypi:

• Hombrepula cäcunaca walmipula cäcunaca, ¿chayllachun mana allin Jehovapä?

Jehová cuyamänanchicpä mana allin lulaycunactam caćhaycunanchic, cay allinninchicpämi. Liguiśhun Salmo 19:8, 11 ñatac limaśhun caypi:

• Jehovapa mandatuncuna, ¿allinninchicpächun?

IMACTAM YAĆHALUNCHIC

Jehová munan walmiwan hombrica puñunanta cuscan casado cäcunallactam.

Yalpaśhun

• Jehovapä, ¿imacunam anla-juchacunaca?

• ¿Imam yanapamäśhun mana palpunanchicpä anla-juchacunaman?

• ¿Imanuypam yanapamanchic cäsucuptinchic Jehovapa mandatuncunacta?

MASTA YAĆHANAYQUIPÄ

Diospa nishannümi walmicari puñunanpä casaraculcananmi, chayta yaćhanayquipä liguiy.

“¿Qué dice la Biblia sobre vivir juntos sin estar casados?” (Artículo de jw.org)

Bibliaca yaćhachimanchic hombrepula cäcunata walmipula cäcunata amam ćhïnicuśhunchu, liguiy.

“¿Es malo ser homosexual?” (Artículo de jw.org)

Bibliapa mandatuncuna yaćhachimanchic mana palpunanchicpä anla-juchacunaman, liguiy.

“¿Es el sexo oral realmente sexo?” (Artículo de jw.org)

¿Imam yanapala hombre masinllanwan cäcú nunacta Jehovata cäsucunanpä? Liguiy.

“La Biblia les cambió la vida” (La Atalaya, 1 de abril de 2011)

Waquin malcacunaćhu nunacuna nipäcun, casaducunallam cushisha canman. Pero manam llapan casaducunallachu cushisha cawsan nï llapan solterocunallachu llaquisha cawsan. Bibliaca nishannümi casado caypis, soltero caypis Jehovapa regalunmi.

1. ¿Imapïmi soltero cay o soltera cay allin canman?

Bibliaćhu niyan: “Casaracücá allintam lulayan. Ñatac japallan tacyacücunacá mas allintalämi lulayanpis” (liguicuy 1 Corintios 7:32, 33, 38). Cay ninantam niyan, solterocunaca manam preocupaculcanchu casadunü walminpï o esposunpï. Paycuna imacunaćhupis librem cayalcan. Chaymi solterocunapä mas facillla mayćhupis Jehovata servinanpä. Waquin solterocuna lipäcunmi may malcactapis Diospi-willacunanpä. Paycunapä masmi tiempun Jehovata masta lisinanpä.

2. ¿Imapïmi casaracuyca allin?

Imanuymi soltero cayca allin, chaynümi casado caycäpis allin. Bibliaca niyan “jucllayllapitá ishcay caymi mas allin” (Eclesiastés 4:9). Casaducunaca Bibliapa yaćhachicuynincunacta casucul mas cushisham cawsapäcun’a. Civilćhu casado cäcunaca, chay muyunmi juc promesacta lulapäcun cuyanacunanpä, respetanacunanpä ñatac cuidanacunanpä. Chaynü capäcuptin wawincunapis-chulincunapis cushisham wiñapäcun.

3. ¿Ima ninmi Jehová casado cawsaycäpi?

Jehová Adantawan Evacta casaralcachilmi nila: “Chaymi wayapaca mamanta taytanta caćhaycul walminwan jucllaña capäcun’a” (Génesis 2:24). Jehová munan casaducunaca cuyanaculcananta wañunancama cusca cawsaculcanantam. Mayanninpis jucwan mansebaculuptin divorciacunmanmi mana juchayüca mana perdonayta munaptin (Mateo 19:9).a Jehová manam munanchu ishcay, quimsa walmiwan o hombriwan cananta (1 Timoteo 3:2).

MASTA YAĆHAYCUŚHUN

4. ¿Imacunactam solterocuna ñatac solteracuna lulapäcunman Jehovapä?

Jesuspä soltero cayca juc regalunümi cala (Mateo 19:11, 12). Liguiśhun Mateo 4:23 ñatac limaśhun caypi:

• Jesús solterullam cala, ¿ima lulaycunamanmi pay masta tiempunta ula?

Canan tiempupis solterocuna ñatac solteracuna Jesusta atichilmi cushisha cawsaculcan. Licaśhun VIDEUCTA ñatac limaśhun caypi:

VIDEO: Solteros que imitan a Cristo (3:16)

• ¿Imacunactam solterocuna ñatac solteracuna lulapäcunman?

Yaćhaycunayquipä

Bibliaca manam ninchu ayca watayü casaraculcananta. Pero nimanchic wamla-walaśhcunap ‘waytaśhan tiempuca pasacuyaptinña’ casaracunmanmi, chay edäćhu wamla-walaśhcunaca mastam casadunü puñuyta munapäcun (1 Corintios 7:36).

5. Allinta aclay mayanwanpis casaracunayquipä

Piwanpis casaracunayquipä allintam aclanqui cay decisiuncämi alli puydin. Liguiśhun Mateo 19:4-6, 9 ñatac limaśhun caypi:

• Casaracuyta munal, ¿imamanmi puntacta piensanan?

Bibliami yanapaśhunqui allin esposucta aclanayquipä o allin esposacta aclanayquipä. Pero aclanqui Jehovata cuyá nunactam.b Liguiśhun 1 Corintios 7:39 ñatac 2 Corintios 6:14. Chaypi’a limaśhun caypi:

• Diosta sirví wamlapis o walaśhpis casaracuyta munal, ¿imapïmi Diosta sirvillawan casaracunan?

• Mana Diosta cuyawan casaraculuptiqui, ¿imanuyćha Jehová sintin’a?

6. Jehová licaśhannü casado cawsaycäta licay

Unay tiempućhu waquincuna yan’alcunalläpimi divorciaculcala. Liguiśhun Malaquías 2:13, 14, 16 ñatac limaśhun caypi:

• ¿Imapïmi Jehová ćhinin yan’alllapi divorciacuyta?

Licaśhun VIDEUCTA ñatac limaśhun caypi:

VIDEO: El matrimonio: una unión para toda la vida (4:30)

• Jehovata mana cuyawan casaduña cayal, ¿imactam lulanquiman cushisha cawsanayquipä?

7. Jehovapa mandaśhancunacta cäsucuy

VIDEO: Jehová nos ayuda a obedecer sus normas sobre el matrimonio (4:14)

Liguiśhun Hebreos 13:4 ñatac limaśhun caypi:

• Casaducunapä Diospa mandatuncuna, ¿allinchun?

Dios munanmi autoridäcunata cäsucunanchicta, chaymi mandaśhannü civilćhu casaracuna, mandaśhannütacmi divorciacuna. Liguiśhun Tito 3:1 ñatac limaśhun caypi:

• ¿Casaduchun canqui? ¿Autoridäcäćhu civilyaculchun casaraculanqui?

IMACTAM YAĆHALUNCHIC

Soltero caycäpis o casado caycäpis Jehovapa regalunmi. Jehovapa mandamäśhanchicmannü cawsacul’a casado calpis o soltero calpis cushisham cawsacuśhun.

Yalpaśhun

• Solterocunaca ñatac solteracunaca, ¿imacunactam lulapäcunman?

• ¿Imapïmi Jehová mandamanchic payta sirvillawan casaracunapä?

• Bibliaca nishannü, ¿ima pasallaptinmi mayanpis divorciaculcanman?

MASTA YAĆHANAYQUIPÄ

¿Imapïmi casaracunanchic Jehovata sirvillawan? Chaypi cayćhu liguiy.

“Preguntas de los lectores” (La Atalaya, 1 de julio de 2004)

¿Imacunam yanapanman casado nunacunata? Cay videuta licay yaćhanayquipä.

Cómo prepararse para el matrimonio (11:53)

Juc hermanunchic imactapis caćhayculam Jehovata sirvinanpä canan cushisham cawsacun. Yaćhanayquipä licay cay videuta.

Tenía la esperanza de que ella aprendiera la verdad (1:56)

Mayanpis divorciacuyta o laquinacuyta munal, ¿imamanmi piensanan? Chayta yaćhanayquipä liguiy.

“Honremos ‘lo que Dios ha unido’” (La Atalaya, diciembre de 2018)