Salmos
119 Paiguna ñambibi tucui uras alita rasha puriccunaga cushi manaun, paigunaga Jehova mandashcata pactachiccuna manaun. 9 Imasa rashata shuc malta runa paiba ñambita limpiota charina ushan. Imatas rangahua alichirishca asha, can mandashcata pactachisha causasha. 34 Can mandashca leyta casungahua intinchihuai, tucui corazonhuan pactachingahua. 37 Ñuca ñahuita mana ali ranagunamanda anchuchi, camba ñambibi causaihuan charihuai. 63 Canda manzhaccunahuan amigo mani. Can mandashcata pactachiccunahuanbas amigo mani. 97 Can mandashca leyta yapacta llaquini. Tucui punzha chibi yuyarini. 99 Can yarichishcata ñuca yuyaric ashcamanda, ñuca yachachiccunamandas mas yalita intindic mani. 105 Can rimashca shimiga, ñuca chaquiraicu shuc bila shina man, ñuca purina ñambitahuas punzhayachin. 108 Canda alabangahua ñuca shungumanda cumbirashcata cushilla api, Jehovalla. Culpangahua mana culpangahua can imata rashcata yachachihuai. 160 Can tucui rimashca shimiga sirtu man. Can tucui alita rasha taripanaga huiñaibac manga. 165 Camba leyta llaquic runaguna yapa cungailla causangauna, mana imahuas paigunata arcangachu.