Isaias
43 Cunanga, caitami Jehova nin, canda Rac, Jacoblla, canda tarabac, Israellla: “Ama manzhaichu, ñuca canda quishpichishcamanda. Camba shutihuan canda cayashcani. Can ñucahuac mangui. 2 Yacugunata can chimbaushcaibi, ñuca canhuan mausha. Yacugunata chimbaushcaibi, yacu mana cataitucunguichu. Ninata can pasaushcaibi, mana rupanguichu. Sindiushca nina mana rupachitucunguichu. 10 “Cangunaga ñuca testigoguna manguichi, Jehova ninmi, indá, ñucata sirvicta anllashcani, canguna ñucata ricsihuanauchun, ñucata quirinauchun, ñucallata ashcata intindinauchun. Ñucamanda ñaupa, mana ima Diospas rashca ashcachu, ñucamanda huasha, mana ima Diosllahuas tiashcachu. 11 Ñuca, ñucami Jehova ani, ñuca shina quishpichic mana pihuas tianzhu”. 12 “Cangunapura shuc llactamanda dios mana tiashcallaita, ñucami rimarani, quishpichirani, imasa ashcatas ricsichirani. Chiraicu, cangunaga ñuca testigoguna manguichi, Jehova ninmi, ñuca randiga Dios mani.