Isaias
15 Tucuita Mandac Jehova, Israelmanda ucha illac Dios, caitami nin: “Ñucama bulltiasha cungailla chapashaga, canguna quishpiringuichi. Sinzhita quirisha, mana yapacta manzharishami ursata apinguichi”. Pero, canguna mana munaranguichichu. 18 Jehova randiga, cangunata yanapangahua ali shunguhuan chapaunmi. Paiga cangunata llaquisha yanapangahua ataringami. Jehovaga alita rac Dios man. Paita yuyarisha huin chapauccunaga cushi maunguna. 19 Runaguna Sion llactaibi, Jerusalenbi causaushcaibi, can mana ima uraspas huacanguichu. Can caparisha yanapaita tapucpi, pai imatas rasha yanapaitucunguimi, canda uyashcaibi rimaitucungui. 20 Jehova, turmintuta tandata shina canda cucpihuas, llaquichinata yacuta shina cucpihuas, paiga, canda Sumac Yachachic, ña mana miticungachu. Canda Sumac Yachachicta camba quiquin ñahuihuan ricungaraungui. 21 Can ali partima o lluqui partima riucpihuas, camba quiquin rinrigunahuan cai shimigunata camba huashaibi uyangaraungui: “Cai ñambi man. Cai ñambibi puri”. 23 Diosca chagraibi tarpushca malquiraicu tamiata cunga. Chagramanda surcushca micunaga ashca, ali gustu manga. Chi punzhaibi, atun pambagunaibi camba huagraguna quihuata micungauna.