Salmos
13 Ñuca riñongunata can rashcangui, ñuca mamahua huicsaibi cuirasha charihuarangui. 14 Ñucata gustu, sumaclla rashcamandami, cushiyasha canda alabani. Can rashcagunaga sumac manaun. Caitaga alitami yachani. 15 Ñucata pacasha rashcaibi, allpa ucuibi ñucata ahuashca shina rashcaibi, ñuca tullugunata pagllai ricurangui. 16 Ñuca rahuai bula huahua ashcaibi, canmi ricuhuarangui, ñucamanda tucui partiguna camba libroibi quillcashca anaura, ima punzhaibi tucuna ashcatahuas, maican chi partiguna chara mana tiashcallaita. 17 Chimanda, can yuyashcagunaga ñucaraicu ima munai chari anaun. Ay Dioslla, ima ashca chari anaun. 18 Yupasha nicpiga, tiyumandas mas yali ashca manaun. Ñuca liccharishcaibi, chara canhuan mauni. 23 Ñuca ucuibi alita riparasha ricuhuai, Dioslla. Ñuca corazondahuas ricsi. Ñuca ucuma ricusha, ñuca turmintariushca yuyaigunata ricsi. 24 Uchaibi urmachingarau yuyai, ñuca ucuibi tiacpi ricui, huiñai causana ñambima pushahuai.