Ageo

3 ‘Cangunamanda, cai huasi ñaupa imasna sumac ashcata pita ricura. Cunanga canguraicu cai huasi ali chan. Manachu ñaupa huasiga mas yali ali ara. 4 ”‘Cunanga sinzhi ai, Zorobabel –ninmi Jehovaga-, Jehozadacpa churi sumo sacerdote Josue, sinzhi ai’. ”‘Cail allpai causac runaguna, tucuiguna, sinzhi aichi –ninmi Jehovaga-, chimandas tarbaichi’. ”‘Ñuca cangunahuan mauni –Manzhanaita Ushayuc Jehova caita nin-. 5 Egipto llactamanda llucshiushcai, cangunata imata cusha nishcata yuyarichi, ñuca espiritu cangunahuan maun. Ama manzhaichichu’”. 6 “Manzhanaita Ushayuc Jehova caitami nin: ‘Shuc cutin mas -ansalla pishin- cielota, allpata, martas, chaquishca allpatahuas cuyuchishami’. 7 ”‘Tucui llactagunata cuyuchisha, tucui llactamanda balic cosascuna cai huasima yaicungauna, ñucami cai huasita mas sumacta rasha, ninmi Manzhanaita Ushayuc Jehovaga. 8 ”‘Cullquihuas ñucahuac man, curihuas ñucahuac man’, ninmi Manzhanaita Ushayuc Jehovaga. 9 ”‘Cai huasiga ñaupa huasimandas mas yali sumac manga’, ninmi Manzhanaita Ushayuc Jehovaga. ”‘Cai pistuibi cungailla anata cusha’, ninmi Manzhanaita Ushayuc Jehovaga”.