Isaias
11 Pero cangunaga Jehovata saquic manguichi, ñuca santo urcuta cungaric manguichi, Suertemanda diosraicu mesata alichisha churac manguichi, Ima Tucungaraushcamanda diosraicu chapurishca vinota copagunaibi undachic manguichi. 13 Chiraicu, Tucuita Mandac Jehovaga caitami nin: “Ricuichi, ñucata sirviccuna micungaunami, canguna randi raicaihuan pasanguichi. Ricuichi, ñucata sirviccuna upingaunami, canguna randi upinayaihuan pasanguichi. Ricuichi, ñucata sirviccuna cushiyangaunami, canguna randi pingaita pasanguichi. 14 Ricuichi, ñucata sirviccuna paiguna corazon alilla sintirishcamanda cushiyasha caparingaunami, canguna randi canguna corazon yapa llaquirishca sintirishcamanda caparisha huacanguichi”. 15 Canguna shuc shutita saquinguichi, ñuca anllashcaguna shuccunata maldiciangahua. Tucuita Mandac Jehovaga caran cangunata tucuchitucunguichimi, pero paita sirviccunata shuc shutibi cayanga. 16 Chiraicu, maican cai allpaibi shuc bendicionda apina munashaga, sirtu Diosmanda bendiciashca manga, maican cai allpaibi jurashaga, sirtu Diosmanda juranga. Ñaupa turmintarinagunaga cungarishca mangauna, ñuca ñahui ñaupacpi ña mana tiangaunachu. 17 Ricuichi, mushuc cielotahuas mushuc allpatahuas rangarauni. Ñaupa pasashcagunaga cungarishca mangauna. Chi yuyaiguna corazonma mana shamungaunachu. 18 Chiraicu cushiyaichi, ñuca imata rangaraushcamanda huiñairaicu cushiyaichi. Ricuichi, Jerusalenda rangarauni, paimanda runaguna cushiyanauchun, pai llactatahuas rangarauni, cai llactamandahuas runaguna cushiyanauchun. 19 Jerusalenmanda cushiyasha, ñuca llactamanda cushi sintirisha, chibiga huacashca uyarishcata, llaquirisha caparishcagunatas ña mana uyashca changa”. 20 “Chibiga ansalla punzhagunata causac llullucuguna mana tiangaunachu, rucugunaga paiguna rucuyana punzhagunatas causasha catingaunami. Maican, cien huatagunata charisha huañucpihuas, shuc malta runa cuinta manga, uchata rac runataga, cien huatata charicpihuas, maldiciashca manga. 21 Huasigunata tarbangauna, chi huasigunallaita causangauna. Uva chagragunata tarpungauna, chi muyugunata micungauna. 22 Shuccuna causanauchun, huasigunata mana tarbangaunachu, shuccuna micunauchun mana tarpungaunachu. Ñuca llactahua punzhagunaga shuc ruyahua punzhaguna shina mangauna. Ñuca anllashcaguna cushilla tarbasha causangauna. 23 Mana yanga tarbangaunachu, turmintaringarauc huahuagunata mana pagarichingaunachu. Paigunaga Jehova bendiciashca miraiguna manaun, paiguna, paina miraigunahuas. 24 Chasnallata, paiguna mana cayacllaita, ñuca contestasha; paiguna chara rimaushcallaita, ñuca paigunata uyashami. 25 Sacha allcuga ovejahuan pariulla micungauna, leonga huagra shina quihuata micunga, paluga allpa pulbuta micunga. Ñuca sumac urcuibi, mana imatas tucuchisha huaglichingaunachu, Jehovaga ninmi.