2 Cronicas
9 Paigunaga sacerdogunata mandac Hilquiaspacma risha, Diospa huasita alichingahua apashca cullquita cunaura. Cai cullquitaga punguta cuirac levitaguna, Manasesmanda, Efrainmanda, tucui Israel runagunamanda tandachishca anaura, chasnallata Judamanda, Benjaminmanda, Jerusalenbi causaccunamandahuas. 10 Chasnami, paigunaga Jehovahua huasiraicu tarabanata cuiraccunata chi cullquita cunaura. Chi huasha, Jehovahua huasita tarbaccuna chi cullquihuan huasita alichinaura. 11 Chi cullquitaga tarbaccunata cunaura, tazhashca rumita, istandi caspita randigahua, chasnallata Judamanda reyguna mana cuirashca huasigunata sinzhita shayachingahua.