Salmos
56 Ñucata llaquisha yanapahuai, Dioslla, huañuglla runa ñucata atacahuashcamanda. Punzha chishacta ñucahuan macanacusha llaquichihuan. 2 Ñucata piñaccuna punzha chishacta atacahuanaun. Ashcaguna piñarisha ñucahuan macanacunaun. 3 Ñuca manzhaita charishcaibi, canllaibi quirini. 8 Ñuca caima chaima purishcata canmi yachangui. Camba yacuta huacaichina puruibi, ñuca ñahui yacugunata tandai. Manachu ñuca llaquirishcaguna camba libroibi quillcashca anaun. 9 Ñuca Diosta yanapaita tapushca punzhaibi, ñuca enemigoguna ñucamanda anchuringauna. Caitaga sirtuta quirini: Dios ñuca partimanda maun. 10 Diospi -paiba shimita alabani-, Jehovaibi -paiba shimita alabani-, 11 Diospi shungumanda quirini, mana imatas manzhanichu. Runaga imatata rana ushahuanma. 12 Ñuca rasha nishcagunata pactachishami, Dioslla. Ñuca rimashca shimigunahuan canda pagrachusha. 13 Canga huañuimanda quishpichihuashcangui, imaibihuas mictiachun nisha mana saquihuashcanguichu, Diospa ñaupacpi causaccunahua ñambibi ñuca alita puringahua.