Números
6 Jehovaga Moiseshuan cuitanacusha catira. Paita nira: 2 “Israelitagunahuan cuintanacusha paigunata ni: ‘Shuc cari o shuc huarmi Jehovaraicu nazareo shina causangahua pai rimashcaibi, 3 vinuta, shuc sami machana yacutas mana upina chan. Auru vinuta, shuc sami auru machana yacutas mana upina chan. Uvahuan rashca yacuta mana upina chan, uvata, chaquishca uvatas mana micuna chan. 4 Paiga nazareo shina sirvina timpuibi, uva ruyamanda imatas surcushcata mana micuna chan, ni birdi uvata, ni paiba caratas. 5 ”’Pai nazareo shina sirvina timpuibi, navajahuan paiba acchata mana ruturina chan. Jehovaraicu anllashca punzhaguna pactarinagama, uma acchata huiñachisha saquisha santo ana man. 6 Jehovaraicu anllashca asha, huañushca runama mana caillayana chan. 7 Paiba yaya, paiba mama, paiba huauqui o pani huañucpihuas, paiga mana unguringahua chi huañushca ailluta mana llangana chan, Diosraicu nazareo shina paiba uma ahuaibi señalta charishcamanda. 8 ”’Nazareo shina sirvina timpuibiga, paiga Jehovaraicu santo man. 24 Jehova canda bendiciasha cuirachun. 25 Jehovaga paihua ñahuihuan canda punzhayachichun. Canda llaquisha yanapachun. 26 Jehova canda alita ricusha, cungailla causaita cuchun. 27 Paigunaga Israel llactata ñuca shutita churana anaun, paigunata bendiciachun.