Ezequiel
7 ”Canda, runahua churi, Israel huasita cuirasha rimac angahua shutichishcani, ñuca shimimanda rimashcata can uyashcaibi, ñuca partimanda rimana mangui. 8 Mana ali runata ñuca rimashcaibi: ‘Mana ali runa, sirtupacha huañungamiraungui’ nisha, pero can chi mana ali runata cambiarichun nisha mana imatas rimashaga, pai huañunga pai mana alita rashca culpamandallata, pero paiba rahuaimandaga canmi culpayangui. 11 Paigunata ni: ‘“Tucuita Mandac Jehova casna nin, ñuca causac Dios ashcamandami, uchata rac runa huañucpi mana cushiyanichu. Chasna acpihuas, uchata rac runa aripintirishcamanda causacpi cushiyanimi. Mana ali ranagunata saquichi, uchata saquichi. Mana aripintirishaga huañunata munanguichichu, Israel runaguna”’.