Salmos
15 Jehovalla, pita camba carpa huasibi causanga. Pita camba ucha illac urcuibi causanga. 2 Culpa illac runa, alita rasha paiba shungu ucuibi mana llullac runa chibi causanga. 3 Paiba calluhuan mana yanga culpashcachu. Pai mayanbi ac runata mana turmitachishcachu, paiba amigogunata mana pingachishcachu. 4 Mana alita rac runamanda anchurin, pero Jehovata casuccunata balichinmi. Pai imata pactachisha nishcata, pirdina ashahuas, pactachinmi. 5 Paita cullquita mañac runata mana sicachisha cobranzhu. Ali shungu runata culpayachingahua mana imatas apinzhu. Casna rauc runa, mana ima uraspas manzhangachu.