Números
2 Huin israelitagunaga Moisesmanda Aaronmandahuas yanga rimangahua callarinaura, huin runaguna paigunata piñasha rimangahua callarinaura. Chasna ninaura: “Egipto llactaibi huañushca ashaga, alimanchimara. Cai chaquishca pambaibi huañushca ashaga, alimanchimara. 3 Imahuashi Jehova cai allpama apamuitucunchi. Espadahuan huanchishca tucungahua shamushcanchichu. Ñucanchi huarmigunata, ñucanchi huahuagunatahuas enemigoguna apingauna. Egipto llactama cuti bulltiana alicharianma”. 10 Chasna acpihuas, huin runaguna Josueta Calebta rumihuan tucsinata munanaura. Pero huin israelitagunahua ñaupacpi, Diosta adorana carpa huasi ahuaibi paiba sumac punzhajlla ricurira. 11 Chimi, Jehovaga Moisesta nira: “Ima urascamata cai runaguna ñucata mana balichingauna. Ima urascamata ñucata mana quiringauna, ñuca paigunata quishpichingahua imatas rashca acpihuas. 24 Chasna acpihuas, ñucata sirvic Caleb mana paiguna shina rashcachu, ñucata tucui shunguhuan tucui uras catihuara. Chiraicu, ñucami pai rishca llactama pushasha, paiba miraigunahuas chi llactata amuyangauna.