Salmos
96 Mushuc cancionda Jehovata cantaichi. Huin runaguna Jehovata cantanauchun. 2 Jehovata cantaichi, paiba shutita bendiciaichi. Pai quishpichinamanda ali cuintaigunata caran punzha cuintaichi. 3 Llactagunapuraibi pai sumac, atun ashcata cuintaichi, huin runaguna causana pistugunaibi pai sumaclla rashcagunata cuintaichi. 8 Paiba shuti sumac ashcamanda Jehovata atunyachichi, shuc cumbirashcata apasha paiba huasi canzhama yaicuichi. 9 Sumac llachapata churarishcahuan Jehovahua ñaupacpi cungurichi. Huin runaguna paihua ñaupacpi chucchurichun. 10 Llactagunapuraibi cuintaichi: “Jehovaga ña rey tucushcami. Allpaga sinzhita shayachishca man, mana pihuas cuyuchinata ushanzhu. Paiga alita rasha runagunata taripanga”. 11 Cielogunaga cushiyanauchun, allpaga cushiyachun, marbas paibi tucui tiaccunahuas caparinauchun, 12 allpahuas, allpaibi tiaccunahuas cushilla anauchun. Chi urasllaita, sachamanda huin ruyagunahuas pariulla cushiyasha caparinauchun 13 Jehovahua ñaupacpi, pai shamushcamanda, allpata taripangahua shamun. Allpata, runaguna causana pistugunatahuas alita rasha mana saquisha taripanga.