Isaias
6 Jehovata tupanata ushashcallaita, paita mascaichi. Pai canguna mayanbi aushcallaita, paita cayaichi. 7 Mana ali runaga mana ali ñambita saquichun, mana alita rac runaga mana ali yuyaigunata cungarichun, Jehovama tigrachun, pai chi runata llaquisha yanapanga, ñucanchi Diosma bulltiachun, pai chi runata shungumanda perdonanga. 8 “Ñuca yuyaiguna mana canguna yuyaiguna chanaun, canguna ñambigunahuas mana ñuca ñambiguna chanaun”, Jehovaga ninmi. 9 “Allpamanda mas ahuama ac cielo shina, ñuca ñambiguna canguna ñambigunamandas mas yali ahuai manaun, chasnallata, ñuca yuyaiguna canguna yuyaigunamandas mas yali ahuai manaun. 10 Tamia, nieve cielomanda urman. Allpata mana ucuchishaga, caiguna cieloma mana cuti tigrangaunachu. Allpata ucuchicpi, micuna muyu huiñasha aparin, tarpuc runata malquita cun, micuc runata tandata cun. 11 Casna shinallata man, ñuca rimashca shimi. Ñuca rimashca mana pactarishaga, ñucama mana tigramungachu. Ñuca munashca shina tucunga, ñuca imata rangahua cachashcaga huinmi pactaringa.