Genesis
13 Chi tuta chibi pasara. Cayandi punzha, pai charishcata tandara, pai huauqui Esauta cumbirangahua: 14 200 huarmi cabragunata, 20 cari cabragunata, 200 ovejagunata, 20 carnerogunata, 15 30 huarmi camellogunata paiguna huahuagunandi, 40 huagragunata, 10 torogunata, 20 huarmi burrogunata, 20 burrogunata. 16 Chasnami, paita sirviccunata caran muntun animalgunata cura, paigunata casna nira: “Ñuca ñaupactaibi richi, caran muntunmanda carui carui ringuichi”. 17 Chasnallata, punda riucta casna mandara: “Ñuca huauqui Esauhuan tupanacusha casna tapucpi: ‘Pitata sirvingui, maitata riungui. Can ñaupactai riu animalguna pihuac tanaun’, 18 Casna nisha rimana angui: ‘Canda sirvic Jacobhuac man. Canda cumbirashca man, ñuca señor Esau. Paillata ñucanchi huashaibi shamuun’”. 19 Ishcai muntunda, quimsa muntunda, animalgunata apasha caran muntun huashai riuccunata, casna nisha mandara: “Casnami Esauhuan tupanacusha rimana anguichi. 20 Chimandas casna rimanguichi: ‘Canda sirvic Jacob ñucanchi huashaibi shamuun’”. Jacobca casnami yuyara: “Paita punda regalota cachacpichari, paihuan tupanacucpi, ñucata perdonasha alilla pasiachihuanga”.