Noe punchagunaibi imasa tucushcata ricusha ¿imatata yachachi tucunchi?

Diosga mana cazucgunata tucuchira cuti Noeta paihua aillugunatas quishpichira Genesis 7:​11, 12, 23

Diosga mana usiachisha tamiachira 40 punchagunata 40 tutagunata. Intiru Allpata yacu catacpi huin mana ali runaguna huañunaura.

Chi mana ali angelgunaga paiguna runa shina aichata saquisha Supaihuan huangurinaura. Cunanga demonioguna manaun.

Huamburic cajunbi acgunalla quishpirinaura. Unaimaga Noe paihua aillugunas huañunaura. Chasna acpis Diosga huiñaibac causanauchun nisha paigunata causachinga.

Ñallami cutillata mana ali runagunata tucuchisha Diosga aligunata quishpichinga Mateo 24:​37-39

Supaiga paihua demoniogunahuan runagunata pandachisha catinaunmi Jehovata ama uyanauchun nisha.

Cunan Noe punchagunaibi shina ashca runagunaga Jehovata mana cazunata munanaunchu. Paiga ñallami huin mana ali runagunata tucuchinga (2 Pedro 2:​5, 6).

Chasna acpis Noe shina Diosta cazuc runagunami tianaun. Paigunaga Jehovahua testigoguna manaun.