Canga Jehova munashcata ranguichu

Cai quillcata yachangahua timputa surcushcamandaga ashcatami pagrachunchi. Caibiga ñucanchita, ñucanchi raushcagunata, mundu intiruibi testigoguna imata raushcata masta ricsishcangui. Cai quillcaga yanaparachari, Jehovahua testigogunalla cunan punzhaibi Jehovahua munaita pactachiushcata asirtangahua. Munanchimi, Dios munashcata yachasha catingui nisha. Can yachaushcagunata camba aillugunata, amigogunata cuintangui. Chasnallata ñucanchi tandarinagunamas ama pishinguichu (Hebreos 10:​23-25).

Jehovamanda mas yachashaga, pai canda ashcata llaquishcatami musiaringui. Sallata canhuas paita llaquina munaitami charingui (1 Juan 4:​8-10, 19). Chasna acpihuas, imasata caran punzha can Jehovata llaquishcata ricuchina angui. Canraicuga Dios mandashcata cadsunaga imaraicuta ali an. Imata yanapanga, ñucanchihuan pariulla Diospa munaita rangahua. Canda Bibliamanda yachachiuc huauqui, panimi chi tapuigunata yachangahuaga yanapanga. Chasna rashami, cambas, camba ailluhuas “Yaya Dios cangunata llaquishcata yuyarisha”, huiñai causai shamungami nisha chapaungui (Judas 21).