8 PARTI
Ali amigogunatami Josiasca anllara
Imasata ningui, Jehova nishcagunaga pactachibaglla chan... Ashca runagunaga ninaunmi sinzhi man nisha. Chasna acpihuas Bibliaga yachachinmi pactachibaglla acta. Bibliaga, Josias nishca huahua sinzhi shunguta rasha Jehovata sirvira nin. Chasna sirvingahuaga Josiasca ali amigogunatami anllara. Josiasmanda, paiba ali amigogunamandas yachashun.
Paiba yayaga Judá llactata mandac Amón nishca mara. Amonga mana ali runa chara. Yanga dioscunata alabac mara. Amón huañushcaibiga paiba churi Josiasmi Judá llactata mandac tucura. Masna huatata charishcaibita Josiasca Mandac tucura. Yachanguichu. Pusac (8) huatata charishcaibi mandac tucura. Josiasca paiba yaya shinachu yanga dioscunata alabac tucura... Mana.
Sofoniasca runagunata nirami, yanga dioscunata alabanaga mana ali chan nisha
Josiasca ichillamanda Jehovata sirvinata munara. Chiraicu paiga ali amigogunata mascara. Jehovata llaquic amigogunata charishcamandami, Jehovata cadsuc tucura. Josiaspa amigogunaga piguna tanaura.
Dios rimashcata pasachic Sofonias nishca runami paiba amigo ara. Judamanda runagunataga Sofoniasca casnami nira: “Yanga dioscunata alabasha catishaga, llaquibi urmanguichimi” nisha. Chasna nicpiga Josiasca imatata rara. Sofoniasta uyarachu. Indá uyarami. Chiraicumi paiga tucui uras Jehovata sirvic ara, mana yanga dioscunata.
Jeremiaspas Josiaspas amigo manaura. Paigunaga chipuralla huatayuc manaura. Paiguna malta ashcaibiga mana yapa caruichu causanaura. Chiraicumi Jeremiasca, Josiashuan pariu yanapanacunaura Jehovata sirvingahua. Ali amigoguna ashcamandami, Josias huañucpiga Jeremiasca llaquinaita cantashcata quillcara.
Jeremiasca, Josiashuan pariu yanapanacunaura Jehovata sirvingahua
Josiasmandaga imatata yachanata ushanchi... Paiga ichillamandami Diosta cadsunata munara. Chita rangahuaga paiga Jehovata llaquic amigogunatami anllana ara. Canhuas Jehovata sirvinata munanguichu. Chiraicu canga Jehovata llaquic amigogunata mascana angui.