12 PARTI
Pablohua sobrinoga mana manzhac chara
Shuc malta runa Pablota huañunamanda quishpichishcata cuintashcangui. Cai runaga Pablohua sobrino mara. Paiba shutitaga mana yachanchichu. Paiga mana manzhac runa chara. Cuintashcangui, ña...
Alita uyangui. Pabloga Jerusalenbi preso maura. Jesusmanda rimac acpimi Pablotaga preso apinaura. Astahuanbas paita piñac runagunaga, imasa rashata apishun nishami cuintanacunaura. Soldadogunata mandac amuma risha casna rimashun ninaura: “Camba soldadogunata rimai, apuguna aushcama Pablota pushanauchun” nisha. Chasna racpi paigunaga, chaupi ñambibi miticusha Pablo chita pasaupi huanchishun ninaura.
Pablohua sobrinoga paiba achita rimashca huasha soldadogunata mandac amuta tucuita cuintara
Chasna cuintanacushcata Pablohua sobrinomi yachara. Cunanga, imatata rana ara. Paiba achitami dsaslla cuintagrira. Chaibimi Pabloga nira: “Uctalla risha soldadogunata mandac amuta huin cuintagri” nisha. Chita rimagrinaga sinzhi mara. Soldadoguna amuhuan cuintanacungahuaga sinzhi shunguyuc ana mara. Pablohua sobrinoga chi amuhuan cuintanacunata usharachu... Indá, paiga mana manzhashachu tucuita cuintara.
Soldadogunata mandac amuga alitami uyara. Pablota ama huanchichun nishaga, shuc parti, Cesarea nishca llactama cachara. Astahuanbas cadsi pichca patsac (500) soldadogunata paihuan pariu rinauchun nisha cachara. Paigunata nira: “Cunan tutallata apasha richi” nisha. Pabloga quishpirachu, manashaga huañurachu. Can imasata ningui... Indá, quishpirami. Chi mana ali runagunaga mana huanchinaurachu.
Cai cuintashcaga imasa tashca... Ricui, Pablohua sobrinoga mana manzharachu. Cambas mana manzhana changui. Runagunata Jehovamanda rimangahuaga shunguta sinzhita rana mangui. Canga mana manzhasha Jehovamanda rimasha catinguichu... Jehovamanda rimanataga mana saquina changui. Chasna racpimi, ashca runagunaga huañunamanda quishpingauna.