Supaita uyashcamanda ¿imata tucura?

Adan Evaga Diosta mana cazushcamandami huañunaura Genesis 3:​6, 23

Palu nishcata cazushami Evaga mana micuna ruyamanda muyuta micura. Chihuashaga Adanda cucpiga paihuas micurami.

Paiguna rashcaga mana ali chara. Shuc jucha mara. Diosga Adan Evata chi sumac pistumanda llucshichisha cachara.

Causaiga paigunaraicu paiguna churigunaraicus sinchimi tucura. Unaimaga rucuyasha huañunaura. Mana jahua pachata rinaurachu, ni shuc partitahuas. Chingarinauralla.

Huañushcaguna allpa pulbu tucunaunmi. Mana imatas ranata ushanaunchu Genesis 3:​19

Huinguna Adan Evahua miraiguna ashami huañunchi. Huañushcagunaga ricunatas, uyanatas, mana imata ranatas ushanaunchu. Puñushca shina manaun (Juan 11:​11-14).

Jehova Diosga mana munarachu runaguna huañunata. Ñallami huañushcagunata causachinga. Diosta cazushaga mana ima uraspas huañungaunachu. Huiñaigama causangauna.