Jesusga ¿imaraicuta huañura?

Jesusga huañurami ñucanchi huiñaibac causanauchun nisha Romanos 5:​8, 21

Jesus quimsa punchaguna huañushca huasha huaquin huarmiguna paita pambashca uctuma rinaura. Chi pambashca uctuta chushacta tupanaura. Jehova Diosga paita causachishca ara.

Huasha Jesusga paihua anllashca apostolgunama ricurira.

Aichayuc tulluyuc mana causarira. Diosga paita causachira angel shina acta. Paita caticgunaga Jesus jahua pachata sicauta ricunaura. Cunanga ashca ushayuc mana huañuna espiritu man.

Diosga Jesusta causachira paihua Reinoibi mandachun nisha Apocalipsis o Revelacion 11:​15

Jesus huañurami runagunata juchamanda, huañuimandas quishpichingahua (Mateo 20:28). Jesus huañushcamandami Diosga huiñai causaita cunga.

Jehova Diosga Jesustami anllara jahua pachamanda cai Allpaibi tiacgunata mandachun nisha. Jesus sapalla mana mandangachu. Paihuanga 144.000 cazuc runagunami causarisha jahua pachamanda mandangauna. Chi ali mandanaga Diospa Reino man (Apocalipsis [Revelación] 14:​1-3).

Diospa Reinomi Allpata sumac paraisota rangaraun. Guerraguna, shuhuacguna, runa huanchicguna, pugri causai, raicaihuas mana tiangachu. Mana pihuas llaqui causangaunachu (Apocalipsis 21:​3, 4).