Llaquirisha causanaga tucuringachu

BIBLIAGA CASNAMI NIN

“Diosga paiguna huacashca ñahui yacutas pichasha chaquichingami. Huañunahuas illangami, huacanahuas, llaquirisha caparinahuas, nanaigunahuas tucuringami” (Apocalipsis 21:3, 4, El Nuevo Testamento Quichua de Pastaza).

DIOSPA SHIMIMANDA YACHAIGA IMASATA YANAPAI TUCUNGUI

Pasacta yachanguimi, runagunama Dios mana llaquigunata cachaushcata (Santiago 1:13).

Camba nanaigunamanda Dios llaquiriucta yachashaga ali, cushimi sintiringui (Zacarias 2:​8).

Shamungarau punzhagunaibi turmintuguna tucurinata yachashaga, ashcata cushiyashami chapangui (Mateo 5:5).

BIBLIA NISHCATAGA IMARAICUTA QUIRINA ANCHI

Biblia nishcata quiringahuaga, ishcai nishcagunata ricushun:

• Llaquigunata, mana ali raigunatas Diosga mana alitachu ricun. Callari punzhagunaibiga huaquingunaga Diospa llactata piñashami llaquichinaura. Chita ricushaga, imasata Jehovaga sintirira Bibliaga ninmi, paita adorac runagunata llaquichicpiga shungüibi nanarishcata (Jueces 2:​18).

  Shuc runagunata llaquichiccunataga Diosga mana alitachu ricun. Chimandaga, Bibliaibi nishca cuinta, ‘mana alita raucuna Diospa ali mandanama mana yaicungaunachu’ (1 Corintios 6:​9, 10).

• Caran runagunatami Diosga balichin. Jehová Diosga ñucanchita ninmi, cangunahua turmintugunata ñuca maquibi saquichi nisha. Paiga ñucanchita ‘alita cuirangami’ (1 Pedro 5:7).

  Paiba Reinota apamushami, Diosga nallami caran runagunahua llaquigunata tucuchinga (Mateo 6:​9, 10). Chi punzha pactamunagamaga, tucui shunguhua paita mascaccunataga, Diosga llaquishami cushichinata munan (Hechos 17:27; 2 Corintios 1:​3, 4).