Cullqui ama pishichun imata rana

Huingunami aillu ima minishtishcata cungahua cullquita minishtinchi (1 Timoteo 6:8). Chimanda, “cullquiga yapapac man” (Eclesiastes 7:12). Maicanbiga cullquimanda cuintanacuna sinzhi man, chasna acpihuas cullquimanda ama piñanacunguichu (Efesios 4:32). Cullquita apishaga ishcandimi imai gastanata ricuna anguichi.

1 ALITA YUYASHA RAICHI

BIBLIAGA NINMI: “Canguna shuc jatun huasita shayachinata munashaga ñaupa pundaga alita yuyarichi chi huasita tucuchinata ushashachu imachari nisha yuyaringuichi” (Lucas 14:28). Cullquita imai gastanata cuintanacuichi (1 Corintios 14:40). Mana randishallata ima pishishcata ricuichi (Proverbios 31:16). Cullquita charishahuas ama yangalla randichu. Yanga dihuiyana randiga charishca cullquillahuan randi (Proverbios 21:5; Romanos 13:8).

CAITA RAI:

• Quillaibi cullqui puchucpiga, ishcandi imaibi gastanata ricuichi

• Cullqui pishicpiga, mana yangalla gastangahua yuyaichi. Yanushcata randisha micuna randiga, huasibi yanuichi

2 PAGLLAI RIMAI

BIBLIAGA NINMI: “Yaya Diospacpi runagunahuacpihuas alita ranchi” (2 Corintios 8:21). Ishcandi masna ganashcata, masna cullquihuan randishcata rimaichi.

Balicta randingaraushaga camba carita, huarmita rimai (Proverbios 13:10). Cullquimanda cuintanacunaga, ishcandi cungailla angahua yanapanga. Can ganashca cullquitaga ama canlla apinguichu, ailluhua cullquita shina ricui (1 Timoteo 5:8).

CAITA RAI:

• Carita, huarmita mana uyachishallata masna cullqui gastanata cuintanacuichi

• Chara mana cullqui pishigllaita cuintanacuichi