Jesus huañushcata yuyarishunchi

1. Jehova Dios ñucanchi Yayalla,

cai tuta tandarishcanchi.

Ñaupa timpu Jehova,

can ushayuc acta,

huingunami yachanaura.

Malta ovejahua rahuaihuan,

llaquisha quishpichishcangui.

Ashca timpu huashaga

Jesusllatami,

paihua rahuaihuan quishpichira.

2. Tandata vinota ricusha,

Jesusta yuyarishcanchi.

Camba churi

Jesuspa causaita cusha,

Jehova can quishpichishcangui.

Ñucanchita llaquishcamanda,

shungumanda pagrachunchi.

Ñucanchi uchamanda

lugaryachicpi,

huiñaigama causashun, Jehova.

3. Jesus huañushcata yarisha,

cushilla tandarishcanchi.

Camba shuclla churita

cachashcamanda,

Jehova canda pagrachunchi.

Ñucanchita quishpichishcata

yuyarisha causashunchi.

Caran punzha

Jesus mandashcagunata,

casunata munanchi, Jehova.