Congregacionga imasata alichishca an

Jehovaga tucuita alichingahua imatas ran (1 Corintios 14:33, TNM). Chiraicu, Jehova paita sirviccunata alichisha tandachishca. Congregacionga imasata alichishca an. Congregacion ñaupagma ali catichun, imatata rana anchi.

1. Congregacionda pita pushaun

Cristoga paita caticcunata pushasha, “umacuinta mandauc man” (Efesios 5:23). Jesusca cielomanda mundu intiruibi Jehovata sirviccuna imata raushcata pushaun. Paiga shuc “ali yuyaiyuc runata” o esclavo fiel y prudente nishcata shutichira. Ashca yachaita charic ancianoguna muntun manaun. Paigunaga Cuerpo Gobernante ricsishca manaun (Mateo 24:45-47​ta leipai). Callari timpuibi, Jerusalenbi auc ancianoguna, apostolguna shinami, Cuerpo Gobernante huauquigunaga mundu intiruibi auc congregaciongunata cuirasha pushaunguna (Hechos 15:2). Chasna ashahuas, cai runagunaga ñucanchi organizacionmanda mana amuguna chanaun. Paigunaga Jehovahua yanapaita Bibliaibi mascanaun, congregacionda pushac Jesusta casusha catinaun.

2. Ancianogunaga piguna tanaun, imatata ranaun

Ancianogunaga ashca huatagunatami Jehovata sirvishcauna. Congregacionbi Bibliamanda sumacta yachachisha, huauquigunata sinzhiyachinaun. Cai huauquigunaga paiguna congregacionbi yanapashcamanda mana cullquita cobranaunzhu. ʻMana cullquita ganangahuallachu ranaun. Randi, shungumanda munasha shuccunata yanapasha cuiranaunʼ (1 Pedro 5:1, 2). Siervo ministerial huauquigunaga ancianogunata yanapanaun. Paigunahuas, Biblia nishcata pactachishaga ancianoguna tucunata ushanaunmi.

Cuerpo Gobernante huauquigunaga maican ancianogunata superintendente de circuito tucuchun nisha anllanaun. Cai superintendente huauquigunaga chican chican congregaciongunata ricungahua rishami, yanapasha sinzhiyachinaun. Astahuanbas, cai huauquigunaga Biblia nishcata riparasha ricushami, anciano y siervo ministerial huauquigunata shutichisha saquinaun (1 Timoteo 3:1-10, 12; Tito 1:5-9).

3. Congregacionbi caran Testigoga imatata ranaun

Congregacionbi auccunaga maquita alsasha rimasha, “Jehovahua shutita” alabanaun. Chimandas, paiguna ushashca tuputa corazonmanda predicasha catinaun (Salmo 148:12, 13​ta leipai).

CAIMANDA MASTA YACHAI

4. Jesusca ñucanchita llaquisha pushaun

Jesusca gustutami invitaitucunchi. Mateo 11:28-30​ta leichi, huasha cai tapuigunamanda cuintanacuichi:

• Jesusca imasata ñucanchita pushaun. Imasata ñucanchita sintichinata munan.

VIDEO: Nepal llactaibi terremoto tiashca huasha ancianoguna yanapashca (4:56)

Bibliaga ancianoguna congregacionbi imasa tarbana ashcata pasacta riman.

Hechos 20:28​ta y 1 Pedro 5:1-3​ta leichi, huasha cai tapuigunamanda cuintanacuichi:

• Jesusca shuccunata llaquisha yanapara. Ancianogunahuas, Jesus shina, chasnallata ranaun. Chita yachasha, canga imasata sintiringui.

• Imagunallaita ancianogunaga Jesus shina anaun.

5. Ancianogunaga paiguna nishcata pactachisha yachachinaun

VIDEO: Ancianoguna, congregacionda alita pushaichi (7:39)

Jesusca pasactami rimara, imasa congregacionda pushac huauquiguna ana ashcata. Mateo 23:8-12​ta leichi, huasha cai tapuigunamanda cuintanacuichi:

• Bibliaga ancianoguna imasa anamanda imatata nin. Can imatata yuyangui, pastorguna pagriguna Jesus nishcata pactachinaunzhu.

1. Ancianogunaga Jehovahuan ali amigo tucungahua ursarinaun. Chasnallata, paiba aillutas yanapanaun.

2. Ancianogunaga congregacionbi tucui huauquigunata yanapanata munanaun.

3. Ancianogunaga tucui uras predicanaun.

4. Ancianogunaga congregacionbi yachachic manaun. Chasnallata, tandarina huasibi pichasha, imata ranaibihuas yanapanaun.

6. Ancianogunata corazonmanda casushunchi

Bibliaga imahua ancianogunata casuna ashcata yachachin. Hebreos 13:17​ta leichi, huasha cai tapuigunamanda cuintanacuichi:

• Bibliaga imahuata nitucunchi, congregacionda cuiraccunata corazonmanda casuna ashcata. Canga caimanda imatata yuyangui. Imahua.

Lucas 16:10​ta leichi, huasha cai tapuimanda cuintanacuichi:

• Ancianogunata tucui uras uyanaga imahuata balishca an.

IMATA YACHASHCANGUI

Jesusca congregacionda pushaun. Ancianogunaga Jesustami casunaun. Ancianoguna ñucanchita cuirashcamanda, paiguna nishcata pactachisha yachachishcamandami, ñucanchiga corazonmanda paigunata casunata munanchi.

Yachashcata cuintai

• Pita congregacionda pushaun.

• Imasata ancianogunaga congregacionda yanapanaun.

• Jehovata sirviccunaga congregacionbi imatata pactachinaun.

CANLLATA MASTA YACHAI

Cuerpo Gobernante huauquiguna, shuc ancianogunahuas shuccunata llaquisha imasa yanapashcata ricui.

Turmintu timpuibi ancianoguna huauquigunata sinzhiyachinaun (4:22)

Superintendente de circuito huauquiguna imasata tarbashcata yachai.

Caru ichilla llactaibi superintendente de circuito huauqui imasata sirviun (4:51)

Congregacionbi, huarmi imata rashcata lei.

“Testigo de Jehovagunaga yachachisha pushac huarmigunata charinaunzhu” (La Atalaya, 1 de septiembre de 2012)

Ancianogunaga huauquigunata yanapangahua ashca tarbashcata ricui.

“Anciano huauquigunaga cushi angahuami yanapaitucunchi” (La Atalaya, 15 de enero de 2013)