Diosca ñucanchiraicu imatata munan

Bibliaga ninmi, runaguna “ansalla huatata causasha, ashca turmintugunata charinaun” (Job 14:1). Chasna acpihuas, Diosca ñucanchi casna causachunda munan. Mana chasna acpiga, Diosca ñucanchita ima sami causaita cunata munan. Cushi causana tiangachu. Biblia imashina sumacta yachachishcata ricushun.

1. Diosca ñucanchi imashina causachunda munan

Jehovaga ñucanchi cushi causanata munan. Diosca, Adanda Evata rasha, ali gustu allpai churara. Chi gustu allpaga jardin de Eden mara. Chibi, “Diosca paigunata bendiciasha, casna nira: ‘Ashca huahuagunata charichi, mirasha ashca tucuichi, allpata undachichi. Chasnallata, cai allpata mandanguichi’” (Genesis 1:28). Jehovaga, runaguna huahuagunata charisha, cai Allpata shuc gustu paraisota rasha, animalgunatahuas cuiranauchun munara. Diosca huin runaguna mana ungusha, huiñaibac causanauchun munara.

Cai mana pactarishca acpihuas,a Diosca pai cusha nishcata mana cungarishcachu (Isaias 46:10, 11). Jehovaga tucui casuc runaguna shuc gustu Allpaibi, huiñai causanauchun munan (Apocalipsis 21:3, 4​ta leipai).

2. Imashinata cunanmandallata gustuta causanata ushanchi

Dios ñucanchita pushachun minishtinchi. Chiraicu, Jehovaga paita ricsisha, paita adorana munaihuan raitucushcanchi (Mateo 4:4, 5:4-6​ta leipai). Jehovaga ñucanchi paihua amigo tucunata munan. “Pai ricuchishca ñambibi purisha”, paita llaquisha, tucui shunguhuan paita sirvinauchun munan (Deuteronomio 10:12; Salmo 25:14). Tucui caigunata pactachisha, turmintugunata charishahuas, cushi causanata ushanchi. Jehova munashca shina causasha, paita adorasha ñucanchi causaita balichinchi.

3. Jehovaga runaguna ali gustuta causanauchun munan

VIDEOTA ricuichi, huasha cai tapuimanda cuintanacuichi:

VIDEO: Imaraicuta Dios allpata rara (ichilla video parti) (1:41)

• Imaraicuta Diosca cai Allpata yapa sumacta rashca.

Eclesiastes 3:11​ta leichi, huasha cai tapuimanda cuintanacuichi:

• Cai texto nishca shina, Jehovaga imashina ñucanchi causachunda munan.

4. Dios cusha nishcaga pactaringami

Proverbios 2:21, 22 y Hebreos 6:17​ta leichi, huasha cai tapuimanda cuintanacuichi:

• Jehova cusha nishca sirtu pactarinata imasata yachanchi.

5. Jehovata adorasha ñucanchi causaita balichinchi

VIDEO: Jehovamanda yachashcami imaraicu causashcata intindichihuara (5:03)

• Videoibi ricuric huarmita cushi causangahua imata yanapara.

1 Juan 5:3​ta leichi, huasha cai tapuimanda cuintanacuichi:

• Jehova ñucanchiraicu rashcata ricusha, paita pagrachungahua, imatata rana ushanchi.

IMATA YACHASHCANGUI

Jehovaga tucui runaguna cai gustu Allpaibi huiñaibac causanauchun munan. Cunan Jehovata tucui shunguhuan adorashaga, cushilla causaunchi.

Yachashcata cuintai

• Imahuata Jehovaga Adanda Evata rara.

• Dios cusha nishca sirtu pactaringaraushcata, imashinata yachanchi.

• Cushi causaita charingahua, imata yanapaitucungui.

CANLLATA MASTA YACHAI

Jardin de Eden nishca Allpa, sirtu tiashcata ricui.

“Jardin de Eden nishcaga cuintashcalla chara” (La Atalaya, 1 de enero de 2011)

Cai Allpa mana ima uraspas tucurina ashcata, imashinata yachana ushanchi.

“Diosca cai Allpata tucuchingachu” (jw.org internet pistuibi)

Runaguna imaraicu cai Allpaibi causanamanda Biblia yachachishcata ricui.

“Diosca runagunata imaraicuta cai Allpai churara” (jw.org internet pistuibi)

Shuc runa tucui cosascunata charinimi nisha yuyashahuas, paiba causaibi ima pishishcata ricui.

Ña cunan yachanimi imaraicu causashcata (3:55)