Jehovaga rahuaimanda imatata nin

Rahuaiga yapa balic man. Rahuai illacca, mana pihuas causanata ushanzhu. Dios ñucanchita rac ashcamanda, paillami rahuaihuan imata rana ashcata nin. Rahuaimanda, Diosca imatata nin. Rahuaita micunata ushanchichu. Rahuaita aichaibi churarinata ushanchichu. Aichaibi rahuaita churarinata o mana churarinata yachangahua, canda imata yanapanga.

1. Jehovaga rahuaimanda imatata nin

Callari timpuibi, Jehovaga paita sirviccunata caita nira: “Rahuaiga tucui sami aichagunahua causai man” (Levitico 17:14). Jehovaraicu, rahuaiga causai man. Jehova rahuaita balichisha cushcamanda, ñucanchihuas rahuaita balichina anchi.

2. Rahuaita micunata, aichaibi churarinata ushanchichu

Jesus cai Allpama chara mana shamugllaita, Jehova paita sirviccunata nira: rahuaita ama micunguichichu (Genesis 9:4 y Levitico 17:10​ta leipai). Punda Jesusta caticcunatahuas, Jehovaga chillatatami mandara. Chi timpuibi congregacionda pushaccunaga, Jesusta caticcunata caitami mandanaura: “Rahuaita ama micunguichichu” (Hechos 15:28, 29​ta leipai).

Rahuaitaga imahuata mana micuna, aichaibi mana churarina anchi. Caita yuyai, doctor tragota mana upina changui nicpi, tragohuan chapushca micunata micunguimachu, o tragota suerota shina churaringuimachu. Mana. Chasnallatami, Dios mandashcata casungahua, rahuaita mana micuna, mana upina chanchi. Rahuaita mana surcushca aichatahuas, mana micunchichu. Rahuaihuan yanushca micunatahuas, mana micuna chanchi.

Ungushcaibi rahuai minishtiricpiga, churarina chanchi. Maican doctorgunaga, ambiringahua, rahuaita churarina mangui ninaun. Chasna acpihuas, caita rashaga, Diosta mana casushunzhu. Rahuaiga chuscu partigunatami charin: globulos rojos, globulos blancos, plaquetas y plasma nishca manaun. Chasna ashcamandami, intiru rahuaitaga o rahuaimanda chuscu partigunatas mana churarinchichu. Maican tratamientogunata rangahua, rahuaihua chuscu partigunamanda mas ichilla partigunata apinaun. Cuti shuc tratamientogunaibiga, ungushca runahua rahuaillatata apinaun. Cai sami tratamientogunata mana rashallata, imatata yuyana angui. Cai tratamientomanda alita yachashca huasha, caran amu imata ranata anllana an (Galatas 6:5).a

CAIMANDA MASTA YACHAI

3. Jehovata cushiyachingahua rahuaita mana yangata shina ricushun

Ungushca asha Jehova rahuaita ricushca shina ricungahua, imatata rana anchi. VIDEOTA ricuichi, huasha imahua cai nishcata rana balishca ashcata ricuichi:

VIDEO: Rahuaita mana yangallata shina ricungahua imatata rana anchi (5:47)

• Alita yachangahua Diosta mañai (Santiago 1:5).

• Biblia nishcagunata yachasha imasa pactachinata ricui (Proverbios 13:16).

• Can causashca llactaibi, ima tratamientoguna tiashcata yachai.

• Ima tratamientogunata mana imaraicuhuas apina ashcata musiari.

• Camba conciencia cungailla sintirichun alita anllai (Hechos 24:16).b

• Rahuaihuan imata rangaraushcai, camba cari, camba huarmi, shuc anciano, canda Bibliamanda yachachic, mana pihuas caita rai nisha mana nina chan. Canllatami, ima rangaraushcata anllana angui (Romanos 14:12).

• Can rangaraushcata quillcai.

4. Testigo de Jehovagunaga ambiringahua ali tratamientogunata mascanchi

Dios mandashcata casusha, rahuaita mana churarinchi. Chiraicu, ali tratamientogunata mascanchi. VIDEOTA ricuichi.

VIDEO: Profesor Massimo Franchihuan cuintanacuna (1:36)

Tito 3:2​ta leichi, huasha cai tapuimanda cuintanacuichi:

• Doctorgunahuan cuintanacusha, imahuata cungailla, respetohuan rimana anchi.

Mana churarinchichu	Caran amu anllana an
A. Plasma	Plasmamanda ichilla fraccion partiguna
B. Globulos blancos	Globulos blancosmanda ichilla fraccion partiguna
C. Plaquetas	Plaquetasmanda ichilla fraccion partiguna
D. Globulos rojos	Globulos rojosmanda ichilla fraccion partiguna

5. Rahuaimanda mas ichilla fraccion partiguna

Rahuaiga chuscu partigunatami charin: globulos rojos, globulos blancos, plaquetas y plasma nishca manaun. Cai partigunaga, mas ichilla partigunatami charin. Cai ichilla partigunaga, fraccion nishca manaun.c Maican ungüigunata ambingahua o rahuaita shayachingahua, cai ichilla fracciongunamanda remediogunata ranaun.

Cai rahuaimanda fracciongunata churarinata o mana churarinata, caran amu anllana an. Bibliamanda yachachishca conciencia cungailla sintirichun, carangunami ima rana ashcata anllana an. Maicangunaga rahuaimanda ichilla fraccion partigunahuan rashca remediogunata o tratamientogunata mana apinata munangaunachu. Shuccuna randiga, cai remediogunata o tratamientogunata apingaunallami.

Cai imata rangaraushcata tapuri:

• Maican fracciongunata imahua churarinata o mana churarinata, imashinata doctorta intindichisha.

IMATA YACHASHCANGUI

Jehovaga ñucanchi rahuaita balichichun munan.

Yachashcata cuintai

• Jehovaraicu rahuaiga imahuata ashcata balin.

• Dios rahuaita ama micunguichichu nisha mandashcaga, aichaibi rahuaita mana churarina ashcata imasata yachanchi.

• Shuc tratamientota o remediota apisha, rahuaita mana yangata shina ricungahua, imatata rana angui.

CANLLATA MASTA YACHAI

Camba quiquin rahuaita apisha tratamientogunata mana rangaraushallata, imatata yachana angui.

“Leiccuna tapunaun” (La Atalaya, 15 de octubre de 2000)

Rahuaimanda fracciongunata mana apishallata, imatata yachana angui.

“Leiccuna tapunaun” (La Atalaya, 15 de junio de 2004)

Jehova rahuaimanda ima yuyashcata intindingahua, shuc doctorta imata yanapara.

“Dios rahuaimanda imasa ricushcata quirirani” (¡Despertad!, 8 de diciembre de 2003)

Comites de Enlace con los Hospitales nishcaibi tarabac anciano huauquiguna, imasa shuc huauquigunata yanapashcata ricui.

Jehova ungushcagunata cuiran (10:23)