02 YACHANA PARTI

Bibliaga ali yuyaihuan cushi chapangahua yanapan

Quillca

Mundu intiruibi runagunaga ashca llaquigunata, turmintugunata, nanaigunata charinaun. Cambas, cai turmintugunata chariunguichu. Cunanllatachari, ungüimanda, shuc aillu huañushcamanda, turmintarishca aungui. Imasaibi tapuringuimachari, caigunaga shuc punzha aliyangachu. Biblia yachachishcaga, cungailla, cushillami sintichitucunchi.

1. Biblia yachachishcaga imasata yanapaitucunchi

Bibliaga yachachinmi, imaraicu cai munduibi ashca turmintuguna tiashcata. Astahuanbas, gustu cuintaigunami tian. Cai turmintugunaga ñallami tucuringa. Biblia yachachishcaga ʻali yuyaita cun, ñucanchi imatas ahuantasha chapangahuaʼ (2 Tesalonicenses 2:16ta leipai). Cai nishcagunaga yanapanmi, ashca turmintugunata charishahuas, ali yuyaita charisha catingahua. Astahuanbas, yanapaitucunchimi, huiñaibac cushi causaita charinata chapangahua.

2. Bibliaga shamungaraushcamanda imatata nin

Bibliaga shamuna punzhaibi “huañunahuas illangami, huacanahuas, llaquirisha caparinahuas, nanaigunahuas tucuringami” nin (Apocalipsis 21:4ta leipai). Turmintuguna, pugri tucuna, mana alita rana, ungüiguna, huañui mana tiangachu. Bibliaga ninmi, paraiso Allpa tucushcaibi, runagunaga huiñaibac cushiyashami causangauna.

3. Biblia nishcaibi quirisha chapangahua imata yanapaitucungui

Ashca runagunaga, cai turmintu causai aliyangaraushcata chapanaun. Chasna acpihuas, cai sirtu pactaringaraushcata mana quirinaunzhu. Bibliahuanga mana chasna chan. ʻDiospa shimita alita intindisha estudiashagaʼ chibi nishcata quirinata ushanchimi (Hechos 17:11). Bibliata yachashaga, canllatami quiringui shamungarauc punzhagunaibi cai nishcaguna pactaringaraushcata.

CAIMANDA MASTA YACHAI

Shamungarauc punzhagunamanda Biblia nishcata yachashunchi. Imashina Biblia nishcaga runagunata cungailla sintichishcata ricushun.

Dibujuguna: Cunan punzhai imasa runaguna causaushcata, Biblia imasa causangaraushcata yachachishcata ricunchi. Ahuaibi cai dibujugunata cuti ricunchi.

4. Bibliaga ucha illac, huiñaibac causaita chapanatami yachachin

Bibliaibi nishca, imasa pactaringaraushcata ricui. Maicandata mas munangui. Imahua.

Bibliaibi caran texto nishcata leichi, huasha cai tapuigunamanda cuintanacuichi:

Cai textogunaga cushiyasha chapangahua yanapaitucunguichu. Camba ailluibi, amigogunaibi pinsai. Cai Bibliamanda textoguna paigunata yanapangachu.

Casna munduibi causanata yuyanguichu.

MANA PIHUAS...	HUINGUNAMI...
... turmintarisha, rucuyasha huañungaunachu (Isaias 25:8).	... ñucanchi huañushca ailluguna, amigoguna, Allpaibi causarishcata ricushun (Juan 11:25).
... yapa ungusha causangaunachu (Isaias 33:24; 35:5, 6).	... mana ungusha, malta shina causangauna (Job 33:25).
... turmintachingaunachu (Isaias 32:16, 17).	... ashca micunata, ali huasita, ali tarabaita charingauna (Salmo 72:16; Isaias 65:21, 22).
... guerramanda llaqui causangaunachu (Salmo 46:9).	... sirtuta, cungailla causanata charingauna (Salmo 37:11).
... mana tunu yuyaimanda, mana ali causashcamanda yarisha causangaunachu (Isaias 65:17).	... gustu paraiso Allpaibi huiñaibac causangauna (Salmo 37:29).

Ñaupa ungushca huahua cunan aliyashca paihua mamata ugllan.

Ñaupa rucu cari cunan malta asha, ashca micunahuan carretillata tangan.

5. Biblia nishcaga ñucanchi causaita alichisha, cushilla chapanata yanapan

Ashca runagunaga, cai munduibi turmintuguna tiashcamanda llaquirishca, piñarishca maunguna. Maicangunaga, mana tunu causaita alichingahua imatas ranaun. Imasa Biblia rimashca, ashca runagunata yanapaushcata ricui. VIDEOTA ricuichi, huasha cai tapuigunamanda cuintanacuichi:

VIDEO: Runaguna shuc muntunlla achun munarani (4:07)

Videomanda dibujuna: Runaguna shuc muntunlla achun munarani. 1. Rafika huahua ashcai paihua ailluhuan algurunda pallasha. 2. Rafikaga punda cutin Jehovahua testigoguna asambleama risha. Chican llactamanda runaguna tandalla aushcata ricusha cushiyara.

Videoibi ricushca shina, Rafikaga ima mana ali ranagunatata alichinata munara.
Runaguna mana pariulla causashcata ricushahuas, Bibliaga imasata Rafikata yanapara.

Biblia yachachishca, shamungarauc punzhagunaibi cushilla causanaga alitami sintichitucunchi. Bibliaibi yachashcaga, turmintuta charishahuas, cushilla causangahua yanapaitucunchi. Proverbios 17:22 y Romanos 8:25ta leichi, huasha cai tapuigunamanda cuintanacuichi:

Biblia yachachishcaga camba causaibi cushi angahua yanapana ushanzhu. Imahua.

MAICANGUNAGA CASNAMI NINAUN: “Ali causaimanda Biblia yachachishcaga, mana sirtu shinachu uyarin”.

Imahuata Biblia nishca pactaringaraushcata alita yachana angui.

IMATA YACHASHCANGUI

Bibliaga huiñaibac, cushi causaita charinata chapangahua yanapan. Caiga, turmintugunata charishahuas, ali yuyaihuan chapasha, ñaupagma cushilla catingahua yanapaitucunchi.

Yachashcata cuintai

Imahuata runagunaga Biblia nishcata yachana anaun.
Shamungarauc causaimanda, Bibliaga imatata nin.
Biblia yachachishcaga, ali yuyaihuan chapangahua imasata yanapaitucungui.

Cai yachana partiga cai punzhai tucurishca man:

Caita pactachi

Biblia rimashcata alita yaringahuaga, cai yachana partibi leishca textogunata cutillata leipai.

Imata rasha nishcata quillcai:

Imata rasha nishcata quillcai

CANLLATA MASTA YACHAI

Ali yuyaihuan chapasha causanaga imasa yanapashcata yachai.

“Imasata cushihuan chapashun” (¡Despertad!, 22 de abril de 2004)

Ali yuyaihuan chapanaga mana ambiribag ungüita chariccunata imasa yanapashcata yachai.

“Ungüita charicpihuas, Biblia nishcaga yanapanata ushanzhu” (jw.org internet pistuibi)

Cai musicahuan videota ricusha, Biblia nishca shina, gustu paraiso Allpaibi camba ailluhuan cushilla causanata yuyai.

Paraiso Allpaibi causanata yuyani (3:37)

Gubirnu contra ataric runaga Biblia nishcata yachasha imasata paihua causai cambiarira.

“Munduta cambianata ña mana munanichu” (La Atalaya, 1 de julio de 2013)