Jesusta caticcunaga tragota upina ushanaunzhu

Mundu intiruibi runagunaga tragotaa upinamanda chican sami yuyaigunatami charinaun. Maicangunaga imasaibi paiba amigogunahuan upinaun. Shuccuna randiga, tragota mana imallas upinata munanaunzhu. Shuccuna machangahua tragota upinaun. Bibliaga tragota upinamanda imatata nin.

1. Tragota upinaga ali chan

Bibliaga tragota upina ucha ashcata mana ninzhu. Randi, Diospa Shimiga, Jehova cumbirashcagunamanda rimasha, “runahua corazonda cushiyachic vinota cushcata” nin (Salmo 104:14, 15). Chimandas, Bibliaibi Jehovata sirvic cari huarmiguna tragota upishcata nin (1 Timoteo 5:23).

2. Bibliaga tragota upinata munac runagunata imatata nin

Jehovaga machanata ucha man nin. Chasnallata, yapacta tragota upinaga mana ali chan nin (Galatas 5:21). Bibliaga nin: “Yapa vinota upic runagunahuan ama tandarichu” (Proverbios 23:20). Chiraicu, sapalla o shuccunahuan tragota upinata munashaga, mana yuyai illac tucunagama o nusparinagama upina chanchi. Chasnallata, ungunagama mana yapacta tragota upina chanchi. Tragota mana tupushalla upina ushashaga, mana ima uraspas tragota upina chanchi.

3. Shuccuna tragota upinata, mana upinata munacpiga imahuata respetana anchi

Tragota upinata, mana upinataga caran amu anllana an. Tupushalla tragota upic munaccunataga mana yanga rimana chanchi. Chasnallata, shuccuna tragota mana upinata munacpiga, mana nitishcata upichina chanchi (Romanos 14:10). Chimandas, shuccunata mana pandachingahua, tragota mana upina chanchi (Romanos 14:21​ta leipai). Chiraicu, ʻcaran amu ali tucunallata mana yuyarina chanchi, astahuanbas shuccuna ali tucunata yuyarisha causashunʼ (1 Corintios 10:23, 24​ta leipai).

CAIMANDA MASTA YACHAI

4. Tragota upina mana upina ashcata canllata anllai

Jesusca tragota upinamanda imatata yuyara. Caita yachangahua, Jesus punda rashca milagrota ricushunchi. Juan 2:1-11​ta leichi, huasha cai tapuigunamanda cuintanacuichi:

• Cai versiculoguna nishca shina, Jesusca tragota upinata, tragota upic runagunata imasata ricun.

• Jesusca tragota upic runagunata mana piñasha ricuc chara. Chimanda, Jesusta caticcunaga tragota upic runagunata imasata ricuna anaun.

Jesusta caticcuna tragota upinata ushashahuas, caran uras mana upina chanchi. Proverbios 22:3​ta leichi, huasha tragota upina ima uras ali ashcata, mana ali ashcata ricuichi:

• Can aututa o shuc maquinata manejangaraushaga tragota upinguichu.

• Can huicsayashca huarmi ashaga tragota upinguimachu.

• Camba doctor tragota ama upinguichu nicpiga, upinguimachu.

• Ansalla tragota upicpi mas upinayac acpiga, upinguimachu.

• Leyga canda tragota ama upichu nicpi, upinguimachu.

• Callaribi shuc runa ashcata machac ara. Cunan ña tragota upinata saquishca. Can paihuan ausha, tragota upichinguimachu.

Cazarana istagunaibi o shuc istagunaibi tragota upichinguimachu. Ima rana ashcata yachangahua, VIDEOTA ricuichi.

VIDEO: Runagunata tragota upichina chani (2:41)

Romanos 13:13 y 1 Corintios 10:31, 32​ta leichi. Caran textogunata leishca huasha, cai tapuimanda cuintanacuichi:

• Biblia nishcata intindisha, Jehovata cushiyachingahua imatata rana angui.

5. Ima tupu upina ashcata canllata ricui

Can tragota, cervezata, vinota o ucu yacuta upinata munashaga, Jehova ima nishcata yuyarina angui. Jehova tragota upinata saquishca ashahuas, machanagama yapacta upinata mana munanzhu. Imahua. Oseas 4:11, 18​ta leichi, huasha cai tapuimanda cuintanacuichi:

• Shuc runa yapacta tragota upishaga imata tucunata ushan.

Mana yapacta tragota upingahua, imata yanapanga. Mana machangahua, ima tupugama upina ashcata yachana anchi. Proverbios 11:2​ta leichi, huasha cai tapuimanda cuintanacuichi:

• Canga imahuata ima tupugama upina ashcata yachana angui.

6. Tragota upina viciomanda caruyai

VIDEO: “Imasa causaushcata mana gustaranichu” (6:32)

• Tragota upinaga imasata cai runata turmintachic ara.

• Cai runaga uctalla tragota upinata saquirachu.

• Tragota upinata huiñaibac saquingahua, imatata rara.

1 Corintios 6:10, 11​ta leichi, huasha cai tapuigunamanda cuintanacuichi:

• Machanaga ucha chan. Imahuata chasna ningui.

• Machasha causac runaga cambianata ushanzhu. Imahuata casna yuyangui.

Mateo 5:30​ta (TNM) leichi,b huasha cai tapuimanda cuintanacuichi:

• Jesusca nira: “Camba ali maqui canda uchaibi urmachicpi, chi maquita pullu pitirisha caruma ichui”. Cai ejemplohuan, Diosta cushiyachingahua tucui uchaibi urmachiccunata saquina ashcata yachachira. Machanata saquinata munashaga, imatata rana angui.c

1 Corintios 15:33​ta leichi, huasha cai tapuimanda cuintanacuichi:

• Yapa tragota upic runagunahuan tandarishaga imata tucungaraungui.

IMATA YACHASHCANGUI

Jehovaga ñucanchita cushiyachingahua tragota upinata cushca. Chasna acpihuas, paiga machana o yapa tragota upina ucha man nin.

Yachashcata cuintai

• Tragota upinamanda, Bibliaga imatata nin.

• Yapacta tragota upisha machashaga imata tucunchi.

• Shuc runa tragota upinata munacpi, mana upinata munacpiga, imahuata paita respetana anchi.

CANLLATA MASTA YACHAI

Maltaguna tragota upingaraushaga imatata yuyana anaun.

Tragota mana upishallata alita yuyai (2:31)

Tragota upina viciota saquingahua ima rana ashcata yachai.

“Mana yapacta tragota upingahua imatata rana anchi” (La Atalaya, 1 de enero de 2010)

Jesusta caticcunaga brindista ranata ushanaunzhu.

“Leiccuna tapunaun” (La Atalaya, 15 de febrero de 2007)

“Ñuca machac runa marani” nishca cuintashcata leipai. Chi quillcashcaibiga, tragota yapacta upic runa imasa caita saquishcata yachai.

“Bibliaga runaguna causaita cambian” (La Atalaya, 1 de mayo de 2012)