¿Diosta cushichingapacca imatatac ruhuana canchic?

Dios mana ricunayachishcataca mana ruhuanachu cangui (1 Corintios 6:9, 10)

Diosta cuyashpaca pai mana munashcataca mana ruhuanachu canchic.

Diosca shuhuachunpish, machachunpish, drogarichunpish mana munanchu.

Diosca shullunata, caripura huarmipura millaita ruhuanata, huañuchinatapish mana ricunayachinchu. Shinallatac chayucyana munaihuan causaccunatapish, utca piñarishpa mana jarcariccunatapish piñanmi.

Ruhuashcalla dioscunata mana adoranachu canchic, brujeriatapish mana ruhuanachu canchic.

Tucui caicunata ruhuac gentecunaca cai allpa sumac tucucpica, chaipi causanataca mana charingachu.

Shuccunamanpish allita ruhuanami canchic (Mateo 7:12)

Jehová Diosca paita catina munaihuan causaccunataca cushicushpami ricun.

Quiquinca tucui gentecunahuanmi alli shungu cana cangui. Shina ruhuashpami cuyashcata ricuchingui.

Tucuipi allita ruhuai.

Diosmanta shuccunamanpish huillai (Isaías 43:10).

Shuccunatapish perdonai.