Dios yachachishcataca ¿ima shinatac uyana pudinchic?

Diosca Bibliahuanmi ñucanchicta yachachin (2 Timoteo 3:16)

Taita Diosca paita ricsichun munashpami, Bibliata quillcachishca. Chaipacca ashalla runacunatami acllashca. Chaimantami Bibliapica Diospac sumac yuyaicuna tiyan. Chaitami Diosca yachacuchun munan.

Diosca tucuita yachac cashpami, ñucanchictaca alli yachachi pudin. Paita uyashpami, ñucanchic causaipica alli acllanata pudishun (Proverbios 1:5).

Paica tucui gentecuna Bibliata liyichunmi munan. Chaimantami, chican chican rimaicunapi quillcashca can.

Dios ima nishcata uyasha nishpaca, Bibliata liyishpami alli entendina canchic.

Achca gentecunami Diosmanta uyacuncuna (Mateo 28:19)

Jehová Diosmanta Huillaccunami quiquinta Bibliata yachachi pudin.

Paicunami tucui llactacunapi Dios ima shina cashcata huillacuncuna.

Quiquin Bibliamanta ashtahuan yachacunata munashpaca Jehová Diosmanta Huillaccunapac tandanacuimanmi rina cangui. Paicunaca yangami yachachinga.