LECCIÓN 2

Mandac Diosca ¿pitac can?

Jehová Diosca jahua cielo pai tiyanamantami pai ruhuashcacunataca jahuapi tiyaccunatapish, cai allpapi tiyaccunatapish ricucun

Shuc alli Diosmi tiyan. Paipac shutica Jehovami can (Salmo 83:18, Traducción del Nuevo Mundo). Paica cielopimi causan, paitaca pipish mana ricui pudinchu. Paica cuyacmi can. Chaimantami Diostaca cuyana canchic. Shinallatac shuccunatapish cuyanami canchic (Mateo 22:35-40). Pai shinaca ni pi mana tiyanchu, paillami tucuita ruhuarca.

Diosca puntapica shuc poderta charic angeltami ruhuashca. Paica Jesucristomi can. Chai quipami shuctac angelcunatapish ruhuashca.

**Jehovami cielopi ima tiyashcacunatapish... cai pachapi ima tiyashcacunatapish ruhuashca (Revelación [Apocalipsis] 4:11)**

Cielopi ima tiyashcacunatapish, cai pachapi tucui ima tiyashcacunatapish Jehovami ruhuashca (Génesis 1:1).

Shinallatac punta caritapish ñuto allpamantami ruhuashca. Paica Adán shutimi carca (Génesis 2:7).