¿Ñucanchic mañashcata Jehová Diosca uyangachu?

Ñucanchic mañashcata Diosca uyacunmi (1 Pedro 3:12)

Jehová Diosca ñucanchic mañashcata uyanmi (Salmo 65:2). Paica ñucanchic shungupi ima yuyashcata huillachunmi munan.

Quiquinca Jehová Diosllatami mañana cangui.

Diosmanca imatapish huillanallami canchic (1 Juan 5:14)

Ima shinami jahua cielopi Diospac munai ña ruhuaricun, chai shinallatac cai allpapipish utcashpa ruhuarichunmi mañana canchic.

Trabajota, maipi causanata, churanata, micunatapish charingapac, shinallatac ungushcacuna sinchiyachun, tucui ima ruhuashca alli llucshichunpish Jehová Diosta mañanallami cangui.

Imata mañashpapish Jesuspac shutipimi mañana cangui. Shina mañashpami pai imata ruhuashcamanta agradecishcata ricuchingui.