Génesis
12 ꞌE he kī e Iehoha ki a Abrán: “Ka eꞌa koe mai tuꞌu kāiŋa, ka haka rē i tuꞌu huaꞌai ꞌe i te nuꞌu o te hare o tuꞌu matuꞌa ꞌe ka oho ki te kāiŋa ka kī atu ena e au mo oho. 2 He haꞌariro au i a koe pa he kāiŋa nui-nui e tahi, ꞌe mai i a au ka ravaꞌa hauhaꞌa ena koe ꞌe he ꞌite tahi e te taŋata ko ai a koe ꞌe hai koe ka ravaꞌa hauhaꞌa ena te taŋata. 3 He aŋa e au i te meꞌe riva-riva ki te nuꞌu aŋa atu i te meꞌe riva-riva ꞌe ki te nuꞌu ka tohu atu era he tohu e au, ꞌe ka ꞌite rō ꞌai, hai koe te huaꞌai o te ao taꞌatoꞌa ka ravaꞌa hauhaꞌa ena”. 4 ꞌE he aŋa e Abrán pa he meꞌe kī era e Iehoha mo aŋa ꞌe he eꞌa he oho, ꞌe a Lot i hokorua. E 75 matahiti o Abrán hora eꞌa era mai Harán.