Génesis
5 He uꞌi ia e Iehoha ko rahi ꞌā te meꞌe rake-rake aŋa e te taŋata ꞌi ruŋa i te henua, ꞌe he meꞌe rake-rake nō te meꞌe manaꞌu o rāua ꞌi te taꞌatoꞌa hora. 6 ꞌE he huri a Iehoha i tōꞌona manaꞌu o ruŋa i te taŋata aŋa era e ia ꞌi ruŋa i te henua ꞌe ko rahi ꞌā te mamae ꞌi roto i tōꞌona māhatu. 13 Ki oti rā meꞌe, he kī e te ꞌAtua ki a Nōē: “Te hora mo haka kore te taꞌatoꞌa meꞌe ora ko tuꞌu mai ꞌā ꞌo te ai te aŋa taparahi-taꞌata o te taŋata ko kau ꞌā ꞌi ruŋa i te henua o te rāua haka tere rake-rake. ꞌO ira ꞌī au he haka kore i a rāua ꞌe pē ira ꞌā i te meꞌe taꞌatoꞌa o ruŋa i te henua. 14 Ka aŋa māꞌau e tahi avahata nui-nui hai tumu miro. He aŋa koe hai piha ꞌi roto i te avahata, ꞌe ꞌai ka paru rō te roto ꞌe te haho taꞌatoꞌa hai pītūri. 18 ꞌĪ au he kī atu i te kī mau ꞌāꞌaku māꞌau. He uru koe ki roto i te avahata nui-nui, a koe koia ko taꞌa ŋā poki, ko taꞌa viꞌe ꞌe tou hunoŋa. 19 Pē ira ꞌā, e maꞌu ꞌi muri i a koe te manu ora o te taꞌatoꞌa huru, e ai e tahi tane ꞌe e tahi vahine, mo ora takoꞌa o rāua. 22 ꞌE a Nōē he aŋa tahi te meꞌe uŋa era e te ꞌAtua mo aŋa. Pē ira mau ꞌā i aŋa ai.